Juan 20:9

Ang Biblia 2011

kay sila wala pa man makasabot sa kasulatan nga kinahanglang mabanhaw siya gikan sa mga patay.

Cross References

Salmo 16:10

Tungod kay dili man nimo itugyan ang akong kalag ngadto sa Sheol, dili ikaw motugot nga ang imong balaan makakita sa Gahong.

Salmo 22:15

ang akong kusog nauga sama sa buak nga kulon, ug ang akong dila mitapot sa akong mga apapangig; gidala nimo ako ngadto sa abog sa kamatayon.

Isaias 25:8

iyang lamyon ang kamatayon hangtod sa kahangtoran. Ang Ginoong Dios magpahid sa mga luha gikan sa tanang mga nawong ug ang kaulaw sa iyang katawhan kuhaon niya gikan sa tibuok nga yuta, kay ang Ginoo nagsulti niini.

Isaias 26:19

Ang imong mga patay mangabuhi; ang ilang mga lawas mabanhaw. O mga nagpuyo sa abog, pagmata kamo ug pag-awit tungod sa kalipay! Kay ang imong yamog maingon sa yamog sa kahayag, ug ang yuta magpahimugso pag-usab sa dugay nang nangamatay.

Oseas 13:14

Lukaton ba nako sila gikan sa gahom sa Sheol? Tubson ba nako sila gikan sa kamatayon? O kamatayon, hain man ang imong mga hampak? O Sheol, hain man ang imong paglaglag? Ang kaluoy natago gikan sa akong mga mata.

Mateo 22:29

Apan mitubag kanila si Jesus nga nag-ingon, “Nangasayop kamo kay wala kamo mahibalo sa kasulatan o sa gahom sa Dios.

Lucas 24:26

Dili ba kinahanglan man gayod nga ang Cristo mag-antos niining mga butanga ug mosulod sa iyang himaya?”

Lucas 9:45

Apan wala sila makasabot niining sultiha ug kini gitago gikan kanila, aron dili sila makasabot niini, ug sila nahadlok sa pagpangutana kaniya mahitungod niining pulonga.

Juan 2:22

Tungod niini, sa pagkabanhaw na niya gikan sa mga patay, ang iyang mga tinun-an nahinumdom sa iyang pagsulti niini. Ug sila mituo sa kasulatan ug sa pulong nga gisulti ni Jesus.

Mga Buhat 17:3

nagpasabot ug nagpamatuod nga kinahanglan gayod nga ang Cristo mag-antos ug mabanhaw gikan sa mga patay. Ug siya miingon, “Kining Jesus nga akong gisangyaw kaninyo, mao ang Cristo.”

Mga Buhat 2:24

Apan gibanhaw siya sa Dios, gipalingkawas gikan sa kasakit sa kamatayon, kay dili man gayod mahimo alang kaniya nga kapugngan kini.

1 Mga Taga-Corinto 15:4

nga siya gilubong, nga siya nabanhaw sa ikatulo nga adlaw sumala sa kasulatan,