Juan 20:27

Ang Biblia 2011

Ug siya miingon kang Tomas, “Ibutang diri ang imong tudlo ug tan-awa ang akong mga kamot. Itunol ang imong kamot ug ibutang kini sa akong kilid. Ayaw na pagpakawalay pagtuo hinuon pagmatinuohon.”

Cross References

Salmo 78:38

Apan siya nga maluluy-on, nagpasaylo sa ilang kasal-anan, ug wala molaglag kanila; sa makadaghan gipugngan niya ang iyang kasuko, ug wala niya pukawa ang tibuok niyang kaligutgot.

Mateo 17:17

Ug si Jesus mitubag nga nag-ingon, “O katawhan nga walay pagtuo ug sukwahi! Hangtod kanus-a ba nga ako makig-uban kaninyo? Hangtod kanus-a ba nga ako mag-antos kaninyo? Dad-a siya dinhi kanako.”

Marcos 9:19

Si Jesus mitubag kanila, “O kaliwatan nga walay pagtuo! Hangtod kanus-a ba nga ako makig-uban kaninyo? Hangtod kanus-a ba nga ako mag-antos kaninyo? Dad-a siya dinhi kanako.”

Lucas 24:39

Tan-awa ang akong mga kamot ug mga tiil, nga mao gayod ako. Hikapa ako ug tan-awa, kay ang espiritu walay unod ug mga bukog ingon sa inyong nakita nga ania kanako.”

Lucas 24:40

Ug sa nakasulti na siya niini, iyang gipakita kanila ang iyang mga kamot ug mga tiil.

Lucas 9:41

Si Jesus mitubag, “O walay pagsalig ug sukihan nga kaliwatan, hangtod kanus-a ba nga ako makig-uban kaninyo ug mag-antos kaninyo? Dad-a dinhi ang imong anak.”

Juan 20:20

Ug sa nakasulti na siya niini, gipakita niya kanila ang iyang mga kamot ug ang iyang kilid. Busa ang mga tinun-an nangalipay sa ilang pagkakita sa Ginoo.

Juan 20:25

Busa ang mga tinun-an miingon kaniya, “Nakita namo ang Ginoo.” Apan siya miingon kanila, “Gawas kon makita nako ang inagian sa mga lansang diha sa iyang mga kamot ug ikabutang nako ang akong tudlo diha sa inagian sa mga lansang ug ikabutang nako ang akong kamot diha sa iyang kilid, dili gayod ako motuo.”

Juan 20:28

Ug si Tomas miingon kaniya, “Akong Ginoo ug akong Dios!”

Roma 5:20

Ang balaod miabot aron pagpadaghan sa kalapasan apan diin gani midaghan ang sala, ang grasya milabi pa hinuon pagdagaya,