Juan 20:26

Ang Biblia 2011

Walo ka adlaw human niini, ang iyang mga tinun-an didto na usab sa sulod sa balay ug si Tomas uban kanila. Ang mga pultahan tinakpan apan si Jesus mitungha ug mitindog sa ilang taliwala ug miingon, “Ang kalinaw mag-uban kaninyo.”

Cross References

Isaias 26:12

O Ginoo, ikaw nagtudlo ug pakigdait alang kanamo, ikaw usab ang nagbuhat alang kanamo sa tanan namong mga buluhaton.

Isaias 27:5

O paduola sila kanako aron akong panalipdan, pahimoa sila ug pakigdait uban kanako, pahimoa sila ug pakigdait uban kanako.”

Isaias 54:10

Kay ang kabukiran mawala ug ang kabungtoran mabalhin, apan ang akong gugmang walay paglubad dili mobulag kanimo, ug ang akong kasabotan sa pakigdait dili mahanaw, nag-ingon ang Ginoo nga adunay kaluoy kanimo.

Mateo 17:1

Human sa unom ka adlaw, gidala ni Jesus uban kaniya sila si Pedro ug si Santiago ug ang igsoon niini nga si Juan, ug iyang gipauban sila ngadto sa usa ka habog nga bukid nga silasila ra.

Marcos 16:14

Unya mipakita siya sa napulo ug usa samtang nanambong sila sa kan-anan ug gisaway niya sila tungod sa kakulang nila ug pagtuo ug kagahi nila ug kasingkasing, kay wala man sila motuo sa mga nakakita kaniya human siya mabanhaw.

Lucas 24:36

Ug samtang nagsulti pa sila niini, mipakita si Jesus sa ilang taliwala nga nagtindog ug miingon kanila, “Ang kalinaw mag-uban kaninyo!”

Lucas 9:28

Mga walo ka adlaw human niining mga pulonga, gidala ni Jesus uban kaniya sila si Pedro, si Juan ug si Santiago, ug mitungas sa bukid aron mag-ampo.

Juan 11:16

Unya si Tomas nga ginganlan ug Kaluha, miingon sa iyang mga kauban nga tinun-an, “Mangadto usab kita aron mamatay kita uban kaniya.”

Juan 14:27

Ang kalinaw ibilin nako kaninyo, ang akong kalinaw ihatag nako kaninyo. Ihatag nako kini kaninyo, dili sama sa paghatag sa kalibotan. Ayaw kamo kaguol diha sa inyong kasingkasing, ayaw kamo pagtalaw.

Juan 20:19

Sa pagkakilomkilom na niadtong adlawa nga mao ang unang adlaw sa semana, samtang tinakpan ang mga pultahan sa dapit diin didto ang mga tinun-an tungod sa kahadlok nila sa mga Judio, si Jesus mitungha ug mitindog sa ilang taliwala ug miingon kanila, “Ang kalinaw mag-uban kaninyo.”

Juan 20:21

Unya si Jesus miingon kanila pag-usab, “Ang kalinaw mag-uban kaninyo. Ingon nga gipadala ako sa Amahan, ako usab magpadala kaninyo.”

Juan 21:1

Human niini si Jesus mipakita pag-usab sa iyang kaugalingon ngadto sa mga tinun-an didto sa Lanaw sa Tiberias ug siya mipakita sa iyang kaugalingon sa ingon niini nga paagi.

Juan 21:14

Kini karon mao ang ikatulong pagpakita ni Jesus ngadto sa mga tinun-an human sa iyang pagkabanhaw gikan sa mga patay.

Mga Buhat 1:3

Human sa iyang pag-antos, mipakita siya kanila nga buhi pinaagi sa daghang mga pagpamatuod, nagpakita ngadto kanila sulod sa 40 ka adlaw ug nagsulti kanila mahitungod sa gingharian sa Dios.