Juan 20:20

Ang Biblia 2011

Ug sa nakasulti na siya niini, gipakita niya kanila ang iyang mga kamot ug ang iyang kilid. Busa ang mga tinun-an nangalipay sa ilang pagkakita sa Ginoo.

Cross References

Mateo 28:8

Ug sila midali pagbiya sa lubnganan uban sa kahadlok ug dakong kalipay ug nanagan sila aron sa pagsugilon sa iyang mga tinun-an.

Juan 16:20

Sa pagkatinuod gayod, sultihan ko kamo, nga kamo manghilak ug magbangutan apan ang kalibotan maglipay. Kamo masubo apan ang inyong kasubo mahimong kalipay.

Juan 16:22

Ug busa, kamo usab may kasubo karon apan makigkita ra ako kaninyo pag-usab, ug unya ang inyong mga kasingkasing malipay ug wala unyay bisan kinsa nga mokuha sa inyong kalipay gikan kaninyo.

Juan 19:34

Apan usa sa mga sundalo miduslak ug bangkaw sa iyang kilid ug dihadiha mibuhagay ang dugo ug tubig.

Juan 20:25

Busa ang mga tinun-an miingon kaniya, “Nakita namo ang Ginoo.” Apan siya miingon kanila, “Gawas kon makita nako ang inagian sa mga lansang diha sa iyang mga kamot ug ikabutang nako ang akong tudlo diha sa inagian sa mga lansang ug ikabutang nako ang akong kamot diha sa iyang kilid, dili gayod ako motuo.”

Juan 20:27

Ug siya miingon kang Tomas, “Ibutang diri ang imong tudlo ug tan-awa ang akong mga kamot. Itunol ang imong kamot ug ibutang kini sa akong kilid. Ayaw na pagpakawalay pagtuo hinuon pagmatinuohon.”

1 Juan 1:1

Kadto nga diha na sukad pa sa sinugdan nga among nadungog, among nakita pinaagi sa among mga mata, among nasud-ong ug nahikap pinaagi sa among mga kamot, mahitungod sa pulong sa kinabuhi—