Juan 20:2

Ang Biblia 2011

Busa midagan siya ug miadto kang Simon Pedro ug sa laing tinun-an, ang pinalangga ni Jesus, ug miingon kanila, “Ang Ginoo ilang gikuha gikan sa lubnganan, ug wala kami masayod kon diin nila siya gibutang.”

Cross References

Juan 13:23

Usa sa iyang mga tinun-an, nga pinalangga ni Jesus, nagsandig sa dughan ni Jesus.

Juan 19:26

Sa pagkakita ni Jesus sa iyang inahan ug sa tinun-an nga iyang pinalangga nga nagtindog sa duol, siya miingon sa iyang inahan, “Babaye, tan-awa ang imong anak!”

Juan 20:13

Unya sila miingon kaniya, “Babaye, nganong naghilak man ikaw?” Siya miingon kanila, “Kay ila mang gikuha ang akong Ginoo, ug wala ako masayod kon diin siya nila gibutang.”

Juan 20:15

Ug si Jesus miingon kaniya, “Babaye, nganong naghilak man ikaw? Kinsa may imong gipangita?” Sa pagdahom ni Maria nga kadto mao ang tig-atiman sa tanaman, siya miingon kaniya, “Senyor, kon ikaw man ang nagkuha kaniya, tug-ani ako diin nimo siya gibutang ug kuhaon nako siya.”

Juan 20:9

kay sila wala pa man makasabot sa kasulatan nga kinahanglang mabanhaw siya gikan sa mga patay.

Juan 21:20

Si Pedro milingi ug iyang nakita nga nagsunod kanila ang tinun-an nga pinalangga ni Jesus, siya nga sa panihapon nagsandig sa dughan ni Jesus ug miingon kaniya, “Ginoo, kinsa ba ang magbudhi kanimo?”

Juan 21:24

Kini mao ang tinun-an nga naghimo ug pagpamatuod mahitungod niining mga butanga ug mao ang nagsulat, ug nasayod kami nga tinuod ang iyang pagpamatuod.

Juan 21:7

Unya ang tinun-an nga pinalangga ni Jesus miingon kang Pedro, “Ang Ginoo kana!” Sa pagkadungog ni Simon Pedro nga ang Ginoo diay kadto, gisul-ob niya ang iyang bisti, kay naghukas ra man siya, ug milukso ngadto sa tubig.