Juan 20:16

Ang Biblia 2011

Si Jesus miingon kaniya, “Maria.” Siya milingi ug miingon kaniya sa pinulongan nga Hebreo, “Raboni!” (nga sa ato pa, Magtutudlo).

Cross References

Genesis 22:1

Human niadtong mga hitaboa ang Dios nagsulay kang Abraham ug miingon kaniya, “Abraham!” Ug siya miingon, “Ania ako.”

Genesis 22:11

Apan ang anghel sa Ginoo mitawag kaniya gikan sa kalangitan nga nag-ingon, “Abraham, Abraham!” Ug siya miingon, “Ania ako.”

Genesis 45:12

Ug karon ang inyong mga mata nakakita, ug ang mga mata sa akong igsoon nga si Benjamin nga ang akong baba mao ang nagsulti kaninyo.

Exodo 3:4

Sa dihang nakita sa Ginoo nga si Moises miadto aron sa pagtan-aw niini, ang Dios mitawag kaniya gikan sa sampinit, “Moises, Moises!” Ug siya miingon, “Ania ako.”

Exodo 33:17

Ug ang Ginoo miingon kang Moises, “Buhaton nako kining butanga nga imong giingon kay nakakaplag man ikaw ug kahimuot dinhi sa akong panan-aw ug nakaila ako kanimo pinaagi sa imong ngalan.”

Awit sa mga Awit 3:4

Dili pa dugay nga ako milabay kanila, sa diha nga nakaplagan nako siya nga gihigugma sa akong kalag. Gipugngan nako siya, ug wala nako siya palakta hangtod nga nadala nako siya sa balay sa akong inahan, ug ngadto sa lawak niya nga nagsamkon kanako.

Awit sa mga Awit 5:2

Ako natulog, apan ang akong kasingkasing nagmata. Pamatia! Ang akong hinigugma nagtuktok. “Ablihi ako, igsoon ko, akong hinigugma, akong salampati, hingpit nga walay sama; kay ang akong ulo nabasa sa yamog, ang akong mga buhok sa mga tinulo sa kagabhion.”

Isaias 43:1

Apan karon kini mao ang giingon sa Ginoo, siya nga nagbuhat kanimo, O Jacob, siya nga nag-umol kanimo, O Israel: “Ayaw kahadlok, kay gilukat ko na ikaw. gitawag ko ikaw pinaagi sa imong ngalan, ikaw akoa.

Mateo 14:27

Apan dihadiha, si Jesus misulti kanila nga nag-ingon, “Salig kamo, ako kini; ayaw kamo kalisang.”

Marcos 10:51

Ug si Jesus miingon kaniya, “Unsa may buot nimo nga buhaton nako alang kanimo?” Ug mitubag kaniya ang buta, “Magtutudlo, makakita na unta ako.”

Lucas 10:41

Apan ang Ginoo mitubag kaniya, “Marta, Marta, naguol ug nasamok ikaw sa daghang mga butang.

Juan 1:38

Sa paglingi ni Jesus ug sa pagkakita niya kanila nga nagsunod kaniya, siya miingon kanila, “Unsay inyong gipangita?” Ug sila miingon kaniya, “Rabi (nga sa ato pa, Magtutudlo), hain man ikaw magpuyo?”

Juan 1:49

Ug si Natanael mitubag kaniya, “Rabi, ikaw mao ang Anak sa Dios! Ikaw mao ang Hari sa Israel!”

Juan 10:3

Alang kaniya ang tigbantay sa pultahan moabli ug ang mga karnero mamati sa iyang tingog ug ang iyang kaugalingong mga karnero tawgon niya sa ngalan ug mag-una kanila sa ilang pagpanggawas.

Juan 11:28

Sa nakasulti na siya niini, siya miadto ug iyang gitawag si Maria nga iyang igsoon ug sa tago gisultihan niya, “Ania ang Magtutudlo ug gipatawag ikaw niya.”

Juan 13:13

Nagtawag kamo kanako nga Magtutudlo ug Ginoo ug husto kamo kay mao man kana ako.

Juan 20:28

Ug si Tomas miingon kaniya, “Akong Ginoo ug akong Dios!”

Juan 3:2

Kini siya miadto kang Jesus sa gabii ug miingon kaniya, “Rabi, nasayod kami nga ikaw usa ka magtutudlo nga gikan sa Dios, kay wala gayoy makahimo niining mga milagro nga imong gihimo gawas lamang kon ang Dios anaa uban kaniya.”

Juan 5:2

Ug didto sa Jerusalem, duol sa Ganghaan sa mga Karnero, may linaw nga sa Hebreo gitawag ug Betsata, nga may lima ka portiko.

Juan 6:25

Ug sa nakita na nila siya didto sa pikas nga daplin sa lanaw, sila miingon kaniya, “Rabi, kanus-a man ikaw miabot dinhi?”

Mga Buhat 10:3

Usa niana ka adlaw, sa mga ikatulo nga takna sa hapon, iyang nakita sa dayag gayod diha sa panan-awon, ang usa ka anghel sa Dios nga misulod ug miingon kaniya, “Cornelio.”

Mga Buhat 9:4

Ug natumba siya sa yuta ug nakadungog ug tingog nga nag-ingon kaniya, “Saulo, Saulo, nganong gilutos nimo ako?”

1 Samuel 3:10

Unya ang Ginoo mitungha ug mitindog nga nagtawag sama sa unang mga higayon, “Samuel! Samuel!” Ug si Samuel miingon, “Sulti, kay ang imong sulugoon mamati.”

1 Samuel 3:6

Ang Ginoo mitawag pag-usab, “Samuel!” Si Samuel mibangon ug miadto kang Eli ug miingon, “Ania ako kay ikaw nagtawag kanako.” Ug siya mitubag, “Wala ako magtawag kanimo, anak; higda pag-usab.”