Juan 20:15

Ang Biblia 2011

Ug si Jesus miingon kaniya, “Babaye, nganong naghilak man ikaw? Kinsa may imong gipangita?” Sa pagdahom ni Maria nga kadto mao ang tig-atiman sa tanaman, siya miingon kaniya, “Senyor, kon ikaw man ang nagkuha kaniya, tug-ani ako diin nimo siya gibutang ug kuhaon nako siya.”

Cross References

Awit sa mga Awit 3:2

“Mobangon ako karon ug magsuroysuroy sa siyudad, diha sa kadalanan ug sa mga hawanan; pangitaon gayod nako siya nga gihigugma sa akong kalag.” Gipangita nako siya, apan wala nako siya makit-i.

Awit sa mga Awit 6:1

Diin ba padulong ang imong hinigugma, O labing maanyag sa mga babaye? Diin ba padulong ang imong hinigugma, aron nga kami mangita kaniya uban kanimo?

Mateo 12:34

Kamong mga kaliwat sa bitin! Unsaon man ninyo pagsultig maayo nga mga daotan man kamo? Kay gikan sa kapuno sa kasingkasing mosulti ang baba.

Mateo 28:5

Apan ang anghel miingon sa mga babaye, “Ayaw kamo kahadlok! Nasayod ako nga nangita kamo kang Jesus nga gilansang sa krus.

Marcos 16:6

Apan siya miingon kanila, “Ayaw kamo kahibulong, nangita kamo kang Jesus nga Nazaretnon nga gilansang sa krus. Gibanhaw siya, wala na siya dinhi. Tan-awa ninyo ang dapit nga ilang gibutangan kaniya.

Lucas 2:44

Apan kay nagdahom man sila nga kuyog ra siya sa panon, milakaw sila balig usa ka adlaw. Unya ilang gipangita siya sa ilang mga kadugo ug mga kaila,

Lucas 24:5

Ug samtang nangahadlok sila ug nangduko ang ilang nawong sa yuta, ang mga lalaki miingon kanila, “Nganong nangita man kamo sa buhi diha sa mga patay?

Juan 1:38

Sa paglingi ni Jesus ug sa pagkakita niya kanila nga nagsunod kaniya, siya miingon kanila, “Unsay inyong gipangita?” Ug sila miingon kaniya, “Rabi (nga sa ato pa, Magtutudlo), hain man ikaw magpuyo?”

Juan 18:4

Ug si Jesus nga nahibalo na sa tanang mahitabo kaniya, misugat ug miingon kanila, “Kinsay inyong gipangita?”

Juan 18:7

Nangutana siya pag-usab kanila, “Kinsa bay inyong gipangita?” Ug sila mitubag, “Si Jesus nga taga-Nazaret.”

Juan 20:13

Unya sila miingon kaniya, “Babaye, nganong naghilak man ikaw?” Siya miingon kanila, “Kay ila mang gikuha ang akong Ginoo, ug wala ako masayod kon diin siya nila gibutang.”

1 Samuel 1:16

Ayaw isipa nga daotan ang imong ulipon nga babaye, kay tungod sa kadaghan sa akong kabalaka ug kasubo gisulti nako kini bisan hangtod karon.”