Juan 2:24

Ang Biblia 2011

Apan wala isalig ni Jesus ang iyang kaugalingon ngadto kanila, kay siya nasayod man sa tanang tawo

Cross References

1 Mga Hari 8:39

pamatia diha sa langit nga imong puluy-anan ug pasayloa, ug buhata, ug hatagi ang matag tawo sumala sa tanan niyang gibuhat nga ang kasingkasing imong nahibaloan, kay ikaw, ikaw lamang ang nahibalo sa kasingkasing sa tanang mga anak sa mga tawo,

1 Cronicas 28:9

“Ug ikaw, Solomon nga akong anak, ilha ang Dios sa imong amahan ug alagari siya uban ang tibuok nimong kasingkasing ug uban sa usa ka masinugtanon nga kasingkasing, kay ang Ginoo nagsusi sa tanang mga kasingkasing, ug nakasabot sa tanang mga laraw ug mga hunahuna. Kon imo siyang pangitaon, imo siyang makit-an, apan kon imo siyang biyaan, isalikway ikaw niya hangtod sa kahangtoran.

1 Cronicas 29:17

Ako nahibalo, akong Dios, nga ikaw nagsulay sa kasingkasing ug may kalipay diha sa matarong. Sa katarong sa akong kasingkasing gihatag nako sa kinabubut-on kining tanang mga butang, ug karon nakita nako ang imong katawhan nga ania dinhi, naghalad nga kinabubut-on ug malipayon nganha kanimo.

Jeremias 17:9

Ang kasingkasing malimbongon labaw sa tanang mga butang, ug hilabihan gayod ka daotan; kinsay makasabot niini?

Mateo 9:4

Apan si Jesus nga nasayod sa ilang mga hunahuna, miingon kanila, “Nganong naghunahuna man kamo ug daotan diha sa inyong mga kasingkasing?

Marcos 2:8

Dihadiha si Jesus nga nakasabot diha sa iyang espiritu nga nangutana sila sa ingon diha sa ilang kaugalingon, siya miingon kanila, “Nganong nangutana man kamo sa ingon sulod sa inyong mga kasingkasing?

Juan 1:42

Gidala niya siya ngadto kang Jesus. Ug si Jesus mitan-aw kaniya ug miingon, “Ikaw si Simon nga anak ni Juan. Tawgon na ikaw ug Cefas” (nga sa ato pa, Pedro).

Juan 16:30

Karon nasayod na kami nga ikaw nahibalo sa tanang mga butang ug nga ikaw dili na kinahanglan nga pangutan-on pa ni bisan kinsa. Tungod niini kami nagtuo nga ikaw gikan sa Dios.”

Juan 21:17

Ug siya miingon kaniya sa ikatulong higayon, “Simon, anak ni Juan, gihigugma ba nimo ako?” Ug gikasubo ni Pedro ang iyang pag-ingon kaniya sa ikatulong higayon, “Gihigugma ba nimo ako?” Ug siya miingon kaniya, “Ginoo, nasayod ikaw sa tanan, nasayod ikaw nga gihigugma ko ikaw.” Si Jesus miingon kaniya, “Pakan-a ang akong mga karnero.

Juan 4:16

Si Jesus miingon kaniya, “Lakaw, tawga ang imong bana ug balik dinhi.”

Juan 5:42

Apan ako nasayod nga diha kaninyo wala ang paghigugma alang sa Dios.

Juan 6:15

Sa pagkamatikod ni Jesus nga sila moduol na sa pagpugos kaniya aron himoon nga ilang hari, siya mibiya pag-usab ug nag-inusara didto sa kabungtoran.

Juan 6:64

Apan adunay pipila kaninyo nga wala motuo.” Kay si Jesus nasayod man sukad sa sinugdan kinsa kadtong wala motuo ug kinsa kadtong magbudhi kaniya.

Mga Buhat 1:24

Ug nag-ampo sila nga nag-ingon, “Ginoo, ikaw nga nahibalo sa mga kasingkasing sa tanang tawo, ipaila kinsa niining duha ang imong gipili

Mga Buhat 15:8

Ug ang Dios nga nakaila sa kasingkasing nagpamatuod alang kanila, naghatag sa Espiritu Santo ngadto kanila sama sa iyang gibuhat kanato.

Deuteronomio 31:21

Ug sa diha nga moabot kanila ang daghang mga kadaotan ug mga kasamok, kini nga awit magpamatuod sa ilang atubangan ingon nga saksi kay kini dili kalimtan sa baba sa ilang kaliwatan, kay ako nahibalo sa ilang katuyoan nga ilang gihunahuna sa wala pa nako sila madala ngadto sa yuta nga akong gipanumpa nga ihatag.”

Mga Hebreo 4:13

Ug sa atubangan niya walay binuhat nga natago, apan ang tanang butang hubo ug dayag sa iyang mga mata nga kaniya mohatag ra unya kita ug husay.

Gipadayag 2:23

ug ang iyang mga anak akong laglagon pinaagi ug kamatay. Unya ang tanang mga iglesia makaila nga ako mao ang magsusi sa hunahuna ug kasingkasing ug ako magbalos sa matag usa kaninyo sumala sa inyong mga binuhatan.

1 Samuel 16:7

Apan ang Ginoo miingon kang Samuel, “Ayaw pagtan-aw sa iyang nawong o sa gitas-on sa iyang barog tungod kay ako nagsalikway kaniya, kay ang Ginoo nagtan-aw dili ingon sa makita sa tawo, kay ang tawo nagtan-aw sa panagway sa gawas apan ang Ginoo nagtan-aw sa kasingkasing.”