Juan 2:19

Ang Biblia 2011

Si Jesus mitubag ug miingon kanila, “Gub-a ninyo kining templo, ug patindogon nako kini sulod sa tulo ka adlaw.”

Cross References

Mateo 12:40

Kay sama nga si Jonas didto sa tiyan sa dakong isda sulod sa tulo ka adlaw ug tulo ka gabii, ang Anak sa Tawo usab adto sa kahiladman sa yuta sulod sa tulo ka adlaw ug tulo ka gabii.

Mateo 16:21

Sukad niadtong panahona si Jesus misugod sa pagpahayag ngadto sa iyang mga tinun-an nga kinahanglang moadto siya sa Jerusalem ug mag-antos sa daghang mga pagsakit gikan sa mga kadagkoan ug sa mga pangulong pari ug sa mga eskriba ug nga patyon siya ug sa ikatulong adlaw banhawon.

Mateo 27:40

ug nag-ingon, “Ikaw nga moguba sa Templo ug mopatindog niini sulod sa tulo ka adlaw, luwasa ang imong kaugalingon! Kon ikaw Anak sa Dios, kanaog nianang krus.”

Mateo 27:63

ug miingon kaniya, “Ginoo, nahinumdom kami nga kadtong mangingilad, sa buhi pa siya, nag-ingon, ‘Human sa tulo ka adlaw, mabanhaw ako.’

Marcos 14:58

“Kami nakadungog kaniya nga nag-ingon, ‘Gub-on nako kining Templo nga hinimo sa kamot, ug sulod sa tulo ka adlaw patindogon nako ang laing Templo nga dili hinimo sa kamot.’ ”

Marcos 15:29

Ug ang mga nangagi mibiaybiay nga naglingolingo sa ilang mga ulo ug nag-ingon, “Aha! Ikaw nga maoy moguba unta sa Templo ug mopatindog niini sulod sa tulo ka adlaw,

Marcos 8:31

Unya misugod siya sa pagtudlo nga ang Anak sa Tawo kinahanglang mag-antos sa daghang mga butang ug isalikway siya sa mga pangulo ug sa mga pangulong pari ug sa mga eskriba ug patyon siya ug tapos sa tulo ka adlaw mabanhaw siya.

Juan 11:25

Si Jesus miingon kaniya, “Ako mao ang pagkabanhaw ug ang kinabuhi. Ang nagtuo kanako, bisan siya mamatay, mabuhi siya

Juan 5:19

Si Jesus miingon kanila, “Sa pagkatinuod gayod, sultihan ko kamo nga ang Anak dili makahimo pagbuhat ug bisan unsa pinaagi sa iyang kaugalingon, gawas lamang sa iyang makita nga gibuhat sa Amahan. Kay bisan unsay gibuhat sa Amahan, gibuhat usab kana sa Anak.

Mga Buhat 2:24

Apan gibanhaw siya sa Dios, gipalingkawas gikan sa kasakit sa kamatayon, kay dili man gayod mahimo alang kaniya nga kapugngan kini.

Mga Buhat 2:32

Kining maong Jesus gibanhaw sa Dios, ug niini kaming tanan mga saksi.

Mga Buhat 3:15

ug inyong gipatay ang Tigmugna sa kinabuhi, ang gibanhaw sa Dios gikan sa mga patay, ug kami mga saksi niini.

Mga Buhat 3:26

Ang Ginoo nga nagtuboy sa iyang alagad, nagpadala kaniya pag-una nganha kaninyo aron sa pagpanalangin pinaagi sa pagpabiya sa matag usa kaninyo gikan sa inyong pagkadaotan.”

Mga Buhat 6:14

kay kami nakadungog kaniya nga nag-ingon nga si Jesus nga Nazaretnon maglumpag niining dapita ug mag-usab sa mga pamatasan nga gibilin kanato ni Moises.”

Roma 4:24

kondili alang kanato usab. Kini isipon nganhi kanato nga nagtuo kaniya nga nagbanhaw kang Jesus nga atong Ginoo gikan sa mga patay,

Roma 6:4

Busa pinaagi sa bautismo gilubong kita uban kaniya ngadto sa kamatayon, aron ingon nga si Cristo gibanhaw gikan sa mga patay pinaagi sa himaya sa Amahan, kita usab maglakaw diha sa kabag-o sa kinabuhi.

Roma 8:11

Kon nagpuyo sa sulod ninyo ang Espiritu niya nga nagbanhaw kang Jesus gikan sa mga patay, siya nga nagbanhaw kang Cristo Jesus gikan sa mga patay maghatag usab ug kinabuhi sa inyong may kamatayong lawas pinaagi sa iyang Espiritu nga nagpuyo diha kaninyo.

1 Mga Taga-Corinto 15:12

Apan kon si Cristo gisangyaw nga siya nabanhaw gikan sa mga patay, unsaon man sa pipila kaninyo sa pag-ingon nga walay pagkabanhaw sa mga patay?

Mga Taga-Colosas 2:12

ug gilubong kamo uban kaniya diha sa bautismo, nga uban kaniya usab kamo gibanhaw pinaagi sa pagtuo sa gahom sa Dios nga nagbanhaw kaniya gikan sa mga patay.

1 Pedro 3:18

Kay si Cristo usab namatay sa makausa tungod sa mga sala, ang matarong alang sa mga dili matarong, aron kamo iyang madala ngadto sa Dios, ingon nga gipatay siya diha sa lawas apan gibuhi diha sa espiritu.