Juan 2:14

Ang Biblia 2011

Didto sa Templo nakita niya ang mga namaligya ug mga baka ug mga karnero ug mga salampati, ug ang mga tigpangilis ug salapi nga nanglingkod didto.

Cross References

Ezequiel 36:38

Sama sa panon alang sa halad, sama sa panon didto sa Jerusalem sa iyang gitakda nga mga kasaulogan, ang mga awaaw usab nga mga siyudad mapuno sa mga panon sa mga tawo. Unya sila makaila nga ako mao ang Ginoo.”

Marcos 11:15

Unya miabot sila sa Jerusalem ug sa pagsulod ni Jesus sa Templo, misugod siya sa paghingilin sa mga nagbaligya ug sa mga namalit didto sa sulod sa Templo. Ug gipanglintuwad niya ang mga lamisa sa mga tigpangilis ug salapi ug ang mga lingkoranan sa mga nagbaligya ug mga salampati,

Marcos 11:17

Nanudlo siya ug miingon kanila, “Dili ba nasulat man, ‘Ang akong balay tawgon ug balay nga ampoanan alang sa tanang mga nasod’? Apan kini gihimo ninyong tagoanan sa mga tulisan.”

Juan 2:15

Ug nagbuhat siya ug latigo nga pisi ug giabog niya silang tanan, lakip ang mga karnero ug mga baka, ngadto sa gawas sa Templo. Ug giyabo niya ang mga salapi sa mga tigpangilis ug iyang gipanglintuwad ang ilang mga lamisa.