Juan 2:11

Ang Biblia 2011

Mao kini ang una sa mga milagro ni Jesus. Kini nahitabo didto sa Cana sa Galilea, ug nagpadayag sa iyang himaya, ug ang iyang mga tinun-an mituo kaniya.

Cross References

1 Mga Hari 17:24

Ug ang babaye miingon kang Elias, “Karon ako nahibalo nga ikaw usa ka tawo sa Dios ug ang pulong sa Ginoo, diha sa imong baba matuod.”

Salmo 72:19

Dalaygon ang iyang mahimayaong ngalan hangtod sa kahangtoran; mapuno unta sa iyang himaya ang tibuok nga yuta! Amen ug Amen!

Salmo 96:3

Ipadayag ang iyang himaya taliwala sa mga nasod, ang gamhanan niyang buhat taliwala sa tanang mga katawhan!

Exodo 14:31

Ug nakita sa Israel ang dakong gibuhat sa Ginoo batok sa mga Ehiptohanon. Ug ang katawhan nahadlok sa Ginoo, ug mituo sila sa Ginoo ug kang Moises nga iyang alagad.

Exodo 4:9

Kon dili pa gayod sila motuo niining duha ka ilhanan o mamati sa imong tingog, pagkuha ug tubig sa suba sa Nilo ug ibubo kini sa yuta. Ug ang tubig nga imong kuhaon sa suba mahimong dugo ibabaw sa yuta.”

Ecclesiastes 9:7

Lakaw, kan-a ang imong pan uban ang kalipay, ug imna ang imong bino uban ang malipayong kasingkasing, kay gidawat na sa Dios ang imong gibuhat.

Isaias 40:5

Unya ang himaya sa Ginoo ipadayag, ug ang tanang tawo makakita niini, kay ang baba sa Ginoo nagsulti niini.”

Malaquias 2:2

Kon dili kamo mamati, kon dili ninyo kini ibutang sa inyong kasingkasing aron sa paghatag ug himaya sa akong ngalan, nag-ingon ang Ginoo sa mga panon, ipadala nako ang tunglo kaninyo ug tunglohon nako ang inyong mga panalangin. Sa pagkatinuod, gitunglo na nako kini tungod kay wala ninyo kini ibutang sa inyong kasingkasing.

Juan 1:14

Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.

Juan 1:17

Kay ang Balaod gihatag pinaagi kang Moises, apan ang grasya ug ang kamatuoran miabot pinaagi kang Jesu-Cristo.

Juan 1:43

Sa pagkasunod nga adlaw si Jesus buot moadto sa Galilea. Ug gikahibalag niya si Felipe ug giingnan, “Sunod kanako.”

Juan 1:50

Ug si Jesus mitubag ug miingon kaniya, “Tungod ba kay miingon ako kanimo nga nakita ko ikaw nga nagpasilong diha sa kahoyng igera, mituo ikaw? Makita ra unya nimo ang dagko pang mga butang kay niini.”

Juan 10:41

Daghan ang nangadto kaniya ug sila miingon, “Si Juan walay gihimong ilhanan apan tinuod ang tanang gisulti ni Juan mahitungod niining tawhana.”

Juan 11:15

Ug tungod kaninyo ako nalipay nga wala ako didto aron motuo kamo. Apan mangadto kita kaniya.”

Juan 11:47

Busa ang mga pangulong pari ug ang mga Pariseo mipatigom sa Sanhedrin ug miingon, “Unsa may atong buhaton? Kay kining tawhana naghimo man ug daghang mga milagro.

Juan 12:18

Tungod niini ang panon sa katawhan miadto sa pagsugat kaniya kay nakadungog man sila nga nakahimo siya sa maong ilhanan.

Juan 12:37

Bisan tuod ug daghan ang mga milagro nga iyang nahimo sa ilang atubangan, wala sila motuo kaniya

Juan 12:41

Kini gisulti ni Isaias tungod kay nakita man niya ang himaya ni Jesus ug misulti siya mahitungod kaniya.

Juan 14:13

Ug bisan unsay inyong pangayoon pinaagi sa akong ngalan, buhaton nako kini aron ang Amahan mapasidunggan diha sa Anak.

Juan 16:27

kay ang Amahan gayod nahigugma man kaninyo kay kamo nahigugma man kanako ug nagtuo nga ako gikan sa Dios.

Juan 16:30

Karon nasayod na kami nga ikaw nahibalo sa tanang mga butang ug nga ikaw dili na kinahanglan nga pangutan-on pa ni bisan kinsa. Tungod niini kami nagtuo nga ikaw gikan sa Dios.”

Juan 2:1

Sa ikatulong adlaw dihay kasal didto sa Cana sa Galilea ug didto ang inahan ni Jesus.

Juan 2:23

Samtang didto siya sa Jerusalem panahon sa Kasaulogan sa Pagsaylo, daghan ang mituo sa iyang ngalan sa pagkakita nila sa mga milagro nga iyang gibuhat.

Juan 3:2

Kini siya miadto kang Jesus sa gabii ug miingon kaniya, “Rabi, nasayod kami nga ikaw usa ka magtutudlo nga gikan sa Dios, kay wala gayoy makahimo niining mga milagro nga imong gihimo gawas lamang kon ang Dios anaa uban kaniya.”

Juan 4:3

siya mibiya sa Judea ug mipanaw balik sa Galilea.

Juan 4:46

Busa miadto na usab siya didto sa Cana sa Galilea diin gihimo niya nga bino ang tubig. Unya didto sa Capernaum, may usa ka pangulo nga ang anak nga lalaki nasakit.

Juan 4:54

Kini mao ang ikaduhang ilhanan nga gihimo ni Jesus sa iyang pag-abot sa Galilea gikan sa Judea.

Juan 5:23

aron ang tanang tawo magpasidungog sa Anak sama sa ilang pagpasidungog sa Amahan. Ang wala magpasidungog sa Anak wala magpasidungog sa Amahan nga mao ang nagpadala kaniya.

Juan 6:14

Sa pagkakita sa mga tawo sa ilhanan nga iyang gibuhat, sila miingon, “Sa pagkatinuod kini siya mao gayod ang propeta nga moanhi sa kalibotan!”

Juan 6:2

Ug miapas kaniya ang usa ka dakong panon sa katawhan, kay nakita man nila ang mga milagro nga iyang gihimo ngadto sa mga masakiton.

Juan 6:26

Si Jesus mitubag kanila, “Sa pagkatinuod gayod, sultihan ko kamo nga kamo nangita kanako dili tungod kay nakakita kamo ug mga milagro, kondili tungod kay kamo nakakaon man ug nangabusog sa pan.

Juan 6:30

Busa sila miingon kaniya, “Unsa man diay ang milagro nga imong mabuhat aron makita namo kini ug motuo kami kanimo? Unsa man ang imong gibuhat?

Juan 7:31

Apan daghan sa mga tawo ang mituo kaniya ug miingon, “Kon moabot na ang Cristo, himoon ba kaha niya ang labaw pa ka daghang milagro kay sa nahimo niining tawhana?”

Juan 9:16

Pipila sa mga Pariseo miingon, “Kining tawhana dili gikan sa Dios kay wala siya magtamod sa adlaw nga igpapahulay.” Apan ang uban miingon, “Unsaon man sa usa ka tawong makasasala ang paghimo ug mga milagro nga sama niini?” Ug may panagsumpaki diha kanila.

2 Mga Taga-Corinto 3:18

Ug kitang tanan, nga dili tinabonan ang nawong, sa nagsud-ong kita sa himaya sa Ginoo sama diha sa salamin, giusab kita ngadto sa pagkasama sa iyang dagway gikan sa himaya ngadto sa himaya kay kini gikan man sa Ginoo, ang Espiritu.

2 Mga Taga-Corinto 4:17

Kay kining gaan ug lumalabay nga kasakit modangat ngadto sa hilabihan gayod kadako ug walay sukod nga gibug-aton sa himaya alang kanamo,

2 Mga Taga-Corinto 4:6

Kay ang Dios nga nag-ingon, “Gikan sa kangitngit mosidlak ang kahayag,” mao ang nagsidlak dinhi sa among mga kasingkasing aron paghatag sa kahayag sa kahibalo sa himaya sa Dios diha sa nawong ni Jesu-Cristo.

Deuteronomio 5:24

Ug miingon kamo, ‘Tan-awa, ang Ginoo nga atong Dios nagpakita kanato sa iyang himaya ug sa iyang pagkagamhanan ug atong nadungog ang iyang tingog gikan sa taliwala sa kalayo. Nakita nato niining adlawa nga ang Dios nakigsulti sa tawo ug ang tawo buhi gihapon.

1 Juan 5:13

Kining mga butanga gisulat nako kaninyo nga nagtuo sa ngalan sa Anak sa Dios, aron kamo masayod nga kamo nakabaton na sa kinabuhing dayon.