Juan 2:10

Ang Biblia 2011

ug miingon kaniya, “Ang tanang tawo magdalit pag-una sa maayong bino, ug unya sa diha nga ang mga tawo makainom na pag-ayo, mao pay pagdalit sa dili maayo nga bino. Apan ikaw, imo hinuong gitagoan ang maayong bino hangtod karon.”

Cross References

Genesis 43:34

Ug siya mikuha ug pagkaon sa iyang atubangan nga gipahat kanila apan ang pahat ni Benjamin lima ka bahin labaw kay kang bisan kinsa kanila. Ug nanginom sila ug naglipay uban kaniya.

Salmo 104:15

ug sa bino nga makalipay sa kasingkasing sa tawo, lana nga makapasinaw sa iyang nawong, ug pan nga makapalig-on sa kasingkasing sa tawo.

Awit sa mga Awit 5:1

Mianhi ako sa akong tanaman, igsoon ko, akong pangasaw-onon, gitigom nako ang akong mira uban ang akong panakot, gikaon nako ang akong udlan uban ang sa akong dugos giinom nako ang akong bino uban ang akong gatas. Pangaon kamo, O mga higala, ug panginom; daghana pag-inom, O mga hinigugma.

Mateo 24:49

ug unya mosugod siya pagpamunal sa iyang isigkaulipon, ug magkaon ug mag-inom kauban sa mga palahubog,

Lucas 12:45

Apan kon ang maong ulipon moingon sa iyang kaugalingon, ‘Dugay pang moabot ang akong agalon,’ ug unya mosugod siya sa pagpamunal sa mga sulugoong lalaki ug babaye, ug sa pagkaon ug pag-inom ug paghubog;

Lucas 16:25

Apan si Abraham mitubag kaniya, ‘Anak, hinumdomi nga sa buhi pa ikaw nakadawat ka sa mga maayo nimong butang ug si Lazaro usab nakadawat sa dili maayong mga butang, apan siya gilipay karon diri, samtang ikaw anaa diha sa kasakit.

Mga Buhat 2:15

Kay kining mga tawhana dili mga hubog, sumala sa inyong gihunahuna kay ikasiyam pa lamang nga takna sa buntag niining adlawa.

1 Mga Taga-Corinto 11:21

Kay sa inyong pagpangaon, ang matag usa kaninyo mag-ilog sa pag-una ug kaon sa iyang kaugalingong panihapon, ug ang usa gigutom, ang uban hubog na.

Mga Taga-Efeso 5:18

Ug ayaw kamo paghubog sa bino, kay kana maoy pagpatuyang; hinuon magpapuno kamo sa Espiritu.

1 Mga Taga-Tesalonica 5:7

Kay sila nga nangatulog nangatulog man sa kagabhion, ug sila nga nangahubog nangahubog man sa kagabhion.

Gipadayag 17:2

kang kinsa nakighilawas ang mga hari sa yuta, ug uban sa iyang bino sa pagkamakihilawason nangahubog ang mga nagpuyo sa kalibotan.”

Gipadayag 17:6

Ug akong nakita ang babaye nga nahubog sa dugo sa mga balaan ug sa dugo sa mga gipamatay nga mga saksi ni Jesus. Sa akong pagkakita kaniya dako kaayo ang akong kahibulong.