Juan 19:9

Ang Biblia 2011

Ug siya misulod pag-usab sa palasyo ug miingon kang Jesus, “Taga diin ba ikaw?” Apan si Jesus wala motubag kaniya.

Cross References

Isaias 53:7

Siya gidaogdaog ug siya gisakit, bisan pa niana wala niya bukha ang iyang baba; sama sa usa ka nating karnero nga gidala ngadto sa ihawan, ug sama sa usa ka karnero nga naamang sa atubangan sa iyang mga tigtupi, busa wala niya bukha ang iyang baba.

Mateo 26:63

Apan si Jesus nagpakahilom lamang. Ug ang labawng pangulong pari miingon kaniya, “Nagsugo ako kanimo sa ngalan sa buhing Dios, sa pagtug-an kanamo, kon ikaw mao ba ang Cristo, ang Anak sa Dios.”

Mateo 27:27

Ug ang mga sundalo sa gobernador midala kang Jesus ngadto sa ilang kampo dapit sa palasyo ug ang tibuok batalyon sa kasundalohan nagpundok sa iyang atubangan.

Lucas 23:9

Busa iyang gipangutana si Jesus sulod sa taas nga panahon, apan wala siyay gitubag kaniya.

Juan 18:28

Unya ilang gidala si Jesus gikan sa balay ni Caifas ngadto sa palasyo sa gobernador. Sayo kadto sa kabuntagon ug sila wala mosulod sa palasyo aron dili sila mahugawan ug aron makakaon sila sa Kasaulogan sa Pagsaylo.

Juan 18:33

Busa si Pilato misulod pag-usab sa palasyo ug iyang gitawag si Jesus ug giingnan siya, “Ikaw ba ang Hari sa mga Judio?”

Juan 18:34

Si Jesus mitubag kaniya, “Nagsulti ba ikaw niini gikan sa imong kaugalingon o gisultihan ba ikaw sa uban mahitungod kanako?”

Juan 18:37

Ug si Pilato miingon kaniya, “Busa ikaw hari diay?” Si Jesus mitubag kaniya, “Ikaw nagsulti nga ako hari. Ug alang niini ako natawo, ug alang niini ako mianhi sa kalibotan aron sa pagpadayag sa kamatuoran. Ang tanan nga iya sa kamatuoran namati sa akong tingog.”

Juan 19:10

Busa si Pilato miingon kaniya, “Dili ba diay ikaw makigsulti kanako? Wala ba ikaw mahibalo nga may kagahom ako sa pagbuhi kanimo ug kagahom sa pagpalansang kanimo sa krus?”

Juan 19:8

Sa pagkadungog ni Pilato niining sultiha, misamot siya pagkahadlok.

Juan 8:14

Si Jesus mitubag kanila, “Bisan tuod ug ako mao ang nagpamatuod alang sa akong kaugalingon, ang akong pagpamatuod tinuod kay nahibalo man ako kon diin ako gikan ug asa ako padulong. Apan kamo wala mahibalo kon diin ako gikan ug asa ako padulong.

Mga Taga-Filipos 1:28

ug nga dili kamo malisang sa bisan unsa sa inyong mga kaaway. Alang kanila kini usa ka timailhan sa ilang kalaglagan apan alang sa inyong kaluwasan, ug kini gikan sa Dios.

Mga Maghuhukom 13:6

Unya ang babaye miadto ug misugilon sa iyang bana, “Usa ka tawo sa Dios mianhi kanako ug ang iyang dagway sama sa dagway sa anghel sa Dios, makalilisang kaayo; wala ako mangutana kaniya kon diin siya gikan, ug wala siya mosulti kanako sa iyang ngalan.