Juan 19:39

Ang Biblia 2011

Ug si Nicodemo, nga sa una miadto kang Jesus usa niana ka gabii, miadto usab nga nagdala ug mga usa ka gatos ka libra nga sinagol nga mirra ug aloe.

Cross References

Genesis 50:2

Ug nagsugo si Jose sa iyang mga sulugoon nga mananambal sa pag-embalsamar sa iyang amahan. Ug ang mga mananambal miembalsamar kang Israel.

2 Cronicas 16:14

Gilubong nila siya sa lubnganan nga gibuhat niya alang sa iyang kaugalingon didto sa siyudad ni David. Gibutang nila siya sa lungon nga napuno sa nagkalainlaing mga pahumot nga giandam sa mga tigbuhat ug pahumot, ug sila naghimo ug usa ka dako kaayong daob sa pagpasidungog kaniya.

Salmo 45:8

ang tanan nimong kupo humot sa mira ug mga aloe ug casia. Gikan sa mga palasyo nga hinimo sa tango sa elepante ang mga tulunggon nga may kuwerdas naglipay kanimo;

Mga Panultihon 7:17

gipahumotan nako ang akong higdaanan ug mira, aloe ug kaningag.

Awit sa mga Awit 1:13

Ang akong hinigugma alang kanako sama sa usa ka bag nga mira, nga nagpauraray sa taliwala sa akong dughan.

Awit sa mga Awit 4:14

nardo ug asafran, kalamo ug kaningag, uban ang tanan nga kahoy sa insenso, mira ug mga aloe, uban ang tanan nga labing maayo nga panakot—

Awit sa mga Awit 4:6

Hangtod sa paghuyuhoy sa kabuntagon ug ang mga anino mahanaw, ako moadto sa bukid sa mira ug sa bungtod sa insenso.

Mateo 12:20

Dili siya mobali sa bagakay nga nasiak o mopalong sa pabilo nga nagbaga na lang hangtod nga mapatigbabaw na niya ang hustisya.

Mateo 19:30

Apan daghan ang nag-una nga unya maulahi ug ang naulahi mag-una.

Mateo 2:11

Sa pagsulod na nila sa balay, ilang nakita ang bata uban kang Maria nga iyang inahan, ug sila miluhod ug misimba sa bata. Ug sa naukban na nila ang ilang mga bahandi, ilang gihalaran siya ug mga gasa: bulawan ug insenso ug mira.

Marcos 16:1

Sa paglabay sa adlaw nga igpapahulay, si Maria Magdalena ug si Maria nga inahan ni Santiago ug si Salome, namalit ug mga pahumot aron ilang adtoon ug dihogan ang lawas ni Jesus.

Juan 12:3

Ug si Maria mikuha ug usa ka litran nga mahalong pahumot nga lunsayng nardo ug iyang gidihogan ang mga tiil ni Jesus ug iyang gipahiran kini sa iyang buhok ug ang balay nalukop sa alimyon sa pahumot.

Juan 12:7

Ug si Jesus miingon, “Pasagdi ninyo siya, pabuhata siya niini alang sa adlaw sa paglubong kanako.