Juan 19:36

Ang Biblia 2011

Kay kining mga butanga nahitabo aron matuman ang kasulatan nga nag-ingon, “Walay bukog niya nga mabali.”

Cross References

2 Mga Hari 15:12

Kini mao ang saad sa Ginoo nga iyang gihatag kang Jehu, “Ang imong mga kaliwat maglingkod sa trono sa Israel hangtod sa ikaupat nga kaliwatan.” Ug busa nahitabo kini.

Salmo 22:14

Gibubo ako sama sa tubig, ug ang tanan nakong kabukogan nangalisa; ang akong kasingkasing sama sa talo, kini natunaw sa sulod nako;

Salmo 34:20

Siya nagbantay sa tanan niyang mga bukog; walay usa niini nga mabali.

Salmo 35:10

Ang tanan nakong kabukogan mag-ingon, “O Ginoo, kinsa ba ang sama kanimo, ikaw nga nagluwas sa mga huyang gikan kaniya nga kusgan ra kaayo alang kaniya, ang kabos ug ang huyang gikan niadtong nagtulis kaniya?”

Exodo 12:46

Diha sa usa ka balay kaonon kini ug dili na magdala ug bisan diyotay nga unod ngadto sa gawas sa balay, ug ayaw kamo pagbali ug bukog niini.

Numeros 9:12

Dili sila magsalin niini hangtod sa buntag o magbali sa bukog niini. Saulogon nila ang Pagsaylo sumala sa tanang balaod mahitungod niini.

Mateo 1:22

Kining tanan nahitabo aron matuman ang gisulti sa Ginoo pinaagi sa propeta nga nag-ingon,

Juan 13:18

Wala ako magsulti mahitungod kaninyong tanan. Ako nakaila kanila nga akong gipili. Apan kinahanglang matuman ang kasulatan nga nag-ingon, ‘Siya nga nagkaon sa akong pan nag-isa sa iyang tiil batok kanako.’

Juan 19:24

Ug sila miingon sa usa ug usa, “Dili nato kini tabastabason kondili ripahon nato kon kinsay makapanag-iya niini.” Kini aron matuman ang kasulatan nga nag-ingon, “Ilang gibahinbahin ang akong mga bisti alang sa ilang kaugalingon, ug ang akong sapot ilang giripahan.”

Juan 19:28

Human niini, si Jesus nga nahibalo nga ang tanan natapos na, miingon (sa pagtuman sa kasulatan), “Giuhaw ako.”