Juan 19:35

Ang Biblia 2011

Siya nga nakakita niini nagpamatuod ug tinuod ang iyang pamatuod ug siya nahibalo nga siya nagsulti sa tinuod, aron kamo usab motuo.

Cross References

Juan 11:15

Ug tungod kaninyo ako nalipay nga wala ako didto aron motuo kamo. Apan mangadto kita kaniya.”

Juan 11:42

Ako nahibalo nga ikaw mamati kanunay kanako, apan gisulti nako kini tungod sa panon sa katawhan nga nag-alirong, aron sila motuo nga ikaw mao ang nagpadala kanako.”

Juan 14:29

Ug karon gisultihan kamo nako sa dili pa kini mahitabo, aron nga kon kini mahitabo na, manuo kamo.

Juan 15:27

Ug kamo usab magpamatuod kay kamo uban man kanako sukad sa sinugdan.

Juan 19:26

Sa pagkakita ni Jesus sa iyang inahan ug sa tinun-an nga iyang pinalangga nga nagtindog sa duol, siya miingon sa iyang inahan, “Babaye, tan-awa ang imong anak!”

Juan 20:31

apan kini, gisulat aron kamo motuo nga si Jesus mao ang Cristo, ang Anak sa Dios, ug nga sa pagtuo makabaton kamo ug kinabuhi diha sa iyang ngalan.

Juan 21:24

Kini mao ang tinun-an nga naghimo ug pagpamatuod mahitungod niining mga butanga ug mao ang nagsulat, ug nasayod kami nga tinuod ang iyang pagpamatuod.

Mga Buhat 10:39

Ug kami mga saksi sa tanang butang nga gibuhat niya sulod sa kayutaan sa mga Judio ug sa Jerusalem. Ug siya ilang gipatay pinaagi sa pagbitay kaniya diha sa kahoy.

Roma 15:4

Kay bisan unsay nasulat kaniadto, gisulat alang sa pagtudlo kanato aron nga pinaagi sa pailob ug pinaagi sa pagdasig gikan sa kasulatan, makabaton unta kita ug paglaom.

1 Pedro 5:1

Busa ako magtambag sa mga kadagkoan diha kaninyo, ingon nga kauban ug saksi sa mga pag-antos ni Cristo, ug mag-aambit usab sa himaya nga ipadayag unya.

1 Juan 5:13

Kining mga butanga gisulat nako kaninyo nga nagtuo sa ngalan sa Anak sa Dios, aron kamo masayod nga kamo nakabaton na sa kinabuhing dayon.

3 Juan 1:12

Si Demetrio gihatagan ug maayong pagpamatuod sa tanan ug gikan gayod sa kamatuoran. Ug kami nagpamatuod usab ug nasayod kamo nga ang among pagpamatuod tinuod gayod.