Juan 19:28

Ang Biblia 2011

Human niini, si Jesus nga nahibalo nga ang tanan natapos na, miingon (sa pagtuman sa kasulatan), “Giuhaw ako.”

Cross References

Salmo 22:15

ang akong kusog nauga sama sa buak nga kulon, ug ang akong dila mitapot sa akong mga apapangig; gidala nimo ako ngadto sa abog sa kamatayon.

Salmo 69:21

Gihatagan ako ug hilo ingon nga akong pagkaon; ug sa akong kauhaw, gihatagan ako nila ug suka aron imnon.

Lucas 12:50

Aduna akoy bautismo nga ibautismo kanako ug dili ako mahimutang hangtod nga matuman kini!

Lucas 18:31

Ug gipakuyog ni Jesus kaniya ang napulo ug duha ug giingnan niya sila, “Tan-awa, nagpadulong kita sa Jerusalem ug matuman na ang tanang butang nga gisulat sa mga propeta mahitungod sa Anak sa Tawo.

Lucas 22:37

Kay sultihan ko kamo, nga dinhi kanako kinahanglang matuman kining bahina sa kasulatan nga nag-ingon, ‘Ug siya giisip nga kauban sa mga malapason,’ kay ang nasulat mahitungod kanako adunay katumanan.”

Lucas 9:31

nga mipakita nga mahimayaon ug misulti mahitungod sa pagbiya ni Jesus nga iyang tumanon didto sa Jerusalem.

Juan 13:1

Sa wala pa ang Kasaulogan sa Pagsaylo, si Jesus nahibalo nga miabot na ang takna sa iyang pagbiya niining kalibotana ug sa pag-adto ngadto sa Amahan. Ug kay nahigugma man siya sa mga iya nga ania sa kalibotan, sila iyang gihigugma hangtod sa kataposan.

Juan 17:4

Ako nagpasidungog kanimo dinhi sa yuta, ingon nga natapos nako ang buhat nga imong gitugyan kanako nga akong buhaton.

Juan 18:4

Ug si Jesus nga nahibalo na sa tanang mahitabo kaniya, misugat ug miingon kanila, “Kinsay inyong gipangita?”

Juan 19:24

Ug sila miingon sa usa ug usa, “Dili nato kini tabastabason kondili ripahon nato kon kinsay makapanag-iya niini.” Kini aron matuman ang kasulatan nga nag-ingon, “Ilang gibahinbahin ang akong mga bisti alang sa ilang kaugalingon, ug ang akong sapot ilang giripahan.”

Juan 19:30

Sa nakainom na si Jesus sa suka, siya miingon, “Natapos na.” Ug giduko niya ang iyang ulo ug gitugyan ang iyang espiritu.

Juan 19:36

Kay kining mga butanga nahitabo aron matuman ang kasulatan nga nag-ingon, “Walay bukog niya nga mabali.”

Juan 4:34

Si Jesus miingon kanila, “Ang akong pagkaon mao ang pagbuhat sa kabubut-on sa nagpadala kanako ug ang pagtapos sa iyang buluhaton.

Mga Buhat 13:29

Ug sa ila nang natuman ang tanang nasulat mahitungod kaniya, gikuha nila siya gikan sa kahoy ug gibutang sa usa ka lubnganan.