Juan 19:27

Ang Biblia 2011

Unya miingon siya sa tinun-an, “Tan-awa ang imong inahan!” Ug sukad niadtong tungora gipapuyo siya sa kaugalingong balay sa tinun-an.

Cross References

Genesis 45:8

Busa dili kamo ang nagpadala kanako dinhi, kondili ang Dios ug siya naghimo kanako nga amahan sa Paraon ug agalon sa tibuok niya nga panimalay ug tigmando sa tibuok nga yuta sa Ehipto.

Genesis 47:12

Ug si Jose nagsangkap ug pagkaon sa iyang amahan ug sa iyang mga igsoon ug sa tanan sa panimalay sa iyang amahan sumala sa ilang mga banay.

Mateo 25:40

Unya sa pagtubag ang Hari moingon kanila, ‘Sa pagkatinuod, sultihan ko kamo, ingon nga gibuhat ninyo kini ngadto sa usa sa labing ubos niining akong mga igsoon, gibuhat usab ninyo kini kanako.’

Marcos 3:34

Ug samtang gilibot niya pagsud-ong ang mga naglingkod alirong kaniya, siya miingon, “Ania, ang akong inahan ug mga igsoong lalaki!

Lucas 18:28

Ug si Pedro miingon, “Tan-awa, among gibiyaan ang among mga panimalay ug misunod kami kanimo.”

Juan 1:11

Siya mianhi sa mga iyaha apan sila wala modawat kaniya.

Juan 16:32

Tan-awa, moabot ang takna ug karon ania na, nga kamo patibulaagon, ang matag usa kaninyo ngadto sa iyang kaugalingong pinuy-anan ug biyaan ninyo ako nga mag-inusara. Apan dili ako mag-inusara kay ang Amahan ania man uban kanako.

Mga Buhat 21:6

ug nanamilit sa usa ug usa. Unya nanakay kami sa barko ug sila namauli.