Juan 19:18

Ang Biblia 2011

Ug didto gilansang nila siya sa krus ug uban kaniya duha pa ka tawo, ang matag usa sa isigkakilid ug si Jesus sa taliwala nila.

Cross References

Salmo 22:16

Ang mga iro naglibot kanako; usa ka panon sa mga tigbuhat ug daotan naglibot kanako; giduslak nila ang akong mga kamot ug ang akong mga tiil—

Isaias 53:12

Tungod niini hatagan nako siya ug usa ka bahin uban sa bantogan, ug siya magbahin sa inilog uban sa kusgan; tungod kay iyang gibubo ang iyang kalag ngadto sa kamatayon, ug giisip uban sa mga malapason; bisan pa niini gipas-an niya ang sala sa daghan ug naghimo ug pagpangamuyo alang sa mga malapason.

Mateo 27:44

Ug ang mga tulisan nga gilansang sa krus tupad kang Jesus nanamastamas usab kaniya sa samang paagi.

Juan 18:32

Kini aron matuman ang pulong nga gisulti ni Jesus nga nagpasabot sa paagi sa kamatayon nga iyang kamatyan.

Juan 19:32

Busa nangadto ang mga sundalo ug ilang gipangbali ang mga bitiis sa nauna ug sa usa nga gilansang sa krus uban kaniya.

Mga Buhat 2:23

Kining maong Jesus nga gitugyan sumala sa gitakda nga plano ug sa nahibaloan nang daan sa Dios, inyong gilansang sa krus ug gipatay pinaagi sa mga kamot sa mga tawong wala magtamod sa balaod.

Mga Taga-Galacia 3:13

Si Cristo milukat kanato gikan sa tunglo sa Balaod sa diha nga nahimo siyang tunglo alang kanato—kay nasulat, “Tinunglo ang matag usa nga gibitay diha sa kahoy”—

Mga Hebreo 12:2

nga magtutok kang Jesus, ang nagpasiugda ug ang mohingpit sa atong pagtuo. Tungod sa kalipay nga gibutang sa iyang atubangan, giantos niya ang krus sa walay pagsapayan sa kaulaw niini ug karon naglingkod siya diha sa tuo sa trono sa Dios.