Juan 19:17

Ang Biblia 2011

Busa ilang gikuha si Jesus ug siya milakaw nga nagpas-an sa iyang kaugalingong krus, paingon sa dapit nga ginganlan ug dapit sa kalabera, nga sa Hebreo gitawag ug Golgota.

Cross References

Genesis 22:6

Ug gikuha ni Abraham ang sugnod alang sa halad nga sunogon ug gipapas-an niya kini sa iyang anak ug siya mikuha sa kalayo ug sa punyal ug milakaw silang duha nga nagkuyog.

1 Mga Hari 21:13

Ug ang duha ka daotang tawo miabot ug milingkod atbang kaniya. Ug ang mga daotang tawo mipasaka ug sumbong batok kaniya sa atubangan sa katawhan nga nag-ingon, “Si Nabot nagtunglo sa Dios ug sa hari.” Busa gidala nila siya ngadto sa gawas sa siyudad ug gibato siya hangtod nga namatay.

Levitico 24:14

“Dad-a sa gawas sa kampo kadtong nanunglo, ug kadtong tanan nga nakadungog kaniya ipabutang ang ilang mga kamot ibabaw sa iyang ulo ug unya ipabato siya sa tibuok nga katilingban.

Mateo 10:38

ug ang wala magpas-an sa iyang krus ug wala magsunod kanako, dili takos kanako.

Mateo 16:24

Ug si Jesus miingon sa iyang mga tinun-an, “Kon adunay buot mosunod kanako, kinahanglang magdumili siya sa iyang kaugalingon ug magpas-an sa iyang krus, ug magsunod kanako.

Mateo 27:37

Ibabaw sa iyang ulo, ilang gibutang ang sumbong batok kaniya nga nag-ingon, “Mao kini si Jesus, ang Hari sa mga Judio.”

Marcos 10:21

Ug si Jesus nga nagsud-ong kaniya, nahigugma kaniya ug miingon kaniya, “Kulang ikaw ug usa ka butang. Lakaw, ibaligya ang imong katigayonan ug panghatag ngadto sa mga kabos ug makabaton ikaw ug bahandi didto sa langit, ug unya balik dinhi ug sunod kanako.”

Marcos 15:26

Ang sumbong batok kaniya gisulat nga nag-ingon, “Ang Hari sa mga Judio.”

Marcos 15:32

Ang Cristo, ang Hari sa Israel, pakanaoga karon gikan nianang krus aron makakita kita ug makatuo.” Ug ang mga gilansang sa krus uban kaniya nagbugalbugal usab kaniya.

Marcos 8:34

Gitawag niya ang panon sa katawhan uban sa iyang mga tinun-an, ug siya miingon kanila, “Kon adunay tawong buot mosunod kanako, kinahanglang magdumili sa iyang kaugalingon, ug magpas-an sa iyang krus, ug magsunod kanako.

Lucas 14:27

Si bisan kinsa nga dili mopas-an sa iyang krus ug mosunod kanako, dili siya mahimo nga akong tinun-an.

Lucas 23:26

Samtang gidala nila siya sa gawas, ilang gidakop si Simon nga taga-Cirene nga miabot gikan sa balangay, ug ilang gibutang kaniya ang krus aron pas-anon sunod kang Jesus.

Lucas 23:33

Ug sa pag-abot nila sa dapit nga ginganlan ug Ang Kalabera, didto ilang gilansang siya sa krus, ug ang mga kriminal, ang usa sa iyang tuo ug ang usa sa iyang wala.

Lucas 23:38

Ug sa ibabaw niya may usa ka sinulat: “Kini mao ang Hari sa mga Judio.”

Lucas 9:23

Ug siya miingon sa tanan, “Kon adunay buot nga mosunod kanako, kinahanglang magdumili siya sa iyang kaugalingon ug magpas-an sa iyang krus matag adlaw ug mosunod kanako.

Juan 19:13

Sa pagkadungog ni Pilato niining mga pulonga, gidala niya si Jesus sa gawas ug milingkod siya sa lingkoranan alang sa paghukom, sa usa ka dapit nga ginganlan ug Plataporma nga Bato, ug nga sa Hebreo Gabata.

Juan 5:2

Ug didto sa Jerusalem, duol sa Ganghaan sa mga Karnero, may linaw nga sa Hebreo gitawag ug Betsata, nga may lima ka portiko.

Mga Buhat 7:58

Unya ila siyang giguyod sa gawas sa siyudad ug gibato. Ug ang mga saksi nangitsa sa ilang mga bisti ngadto sa tiilan sa usa ka batan-ong lalaki nga ginganlan ug Saulo.