Juan 19:15

Ang Biblia 2011

Apan sila naninggit nga nag-ingon, “Ipalayo siya, ipalayo siya, ilansang siya sa krus!” Si Pilato miingon kanila, “Ilansang ba diay nako sa krus ang inyong Hari?” Ang mga pangulong pari mitubag, “Wala kami hari gawas kang Cesar.”

Cross References

Genesis 49:10

Ang sitro dili mobiya gikan kang Juda, o ang baston sa tigmando gikan sa taliwala sa iyang mga tiil, hangtod nga siya nga tag-iya niini moabot ug maiya ang pagkamasinugtanon sa mga katawhan.

Mateo 22:17

Busa tug-ani kami unsay imong hunahuna niini. Uyon ba sa balaod ang pagbayad ug buhis kang Cesar o dili?”

Lucas 23:18

Apan silang tanan nagdungan sa pagsinggit nga nag-ingon, “Kuhaa kining tawhana, ug buhii ngari kanamo si Barabas.”

Juan 18:31

Ug si Pilato miingon kanila, “Dad-a ninyo siya ug hukmi siya pinasubay sa inyong balaod.” Ang mga Judio miingon kaniya, “Wala itugot kanamo sa balaod ang pagpatay ug tawo.”

Juan 19:6

Sa pagkakita sa mga pangulong pari ug sa mga tinugyanan kaniya, sila naninggit nga nag-ingon, “Ilansang siya sa krus! Ilansang siya sa krus!” Si Pilato miingon kanila, “Kuhaa ninyo siya ug ilansang sa krus, kay wala akoy nakitang sala diha kaniya.”

Mga Buhat 13:28

Bisan pa nga wala silay ikasumbong batok kaniya nga angay sa kamatayon, gihangyo nila si Pilato nga ipapatay siya.

Mga Buhat 21:36

kay misunod man ang panon sa mga tawo nga nagsinggit, “Patya siya!”

Mga Buhat 22:22

Ug sila naminaw kaniya hangtod niining sultiha. Unya misinggit sila nga nag-ingon, “Kuhaa ang maong tawo gikan sa yuta, kay dili siya angay nga mabuhi.”