Juan 19:11

Ang Biblia 2011

Si Jesus mitubag kaniya, “Wala ka untay kagahom ibabaw kanako kon wala pa ikaw hatagi niini gikan sa kahitas-an, busa ang nagtugyan kanako nganha kanimo dako pa ug sala.”

Cross References

1 Cronicas 29:11

Imo, O Ginoo, ang pagkadako ug ang gahom ug ang himaya ug ang pagdaog ug ang pagkahalangdon kay ang tanan nga anaa sa kalangitan ug sa yuta imo. Imo ang gingharian, O Ginoo, ug ikaw gituboy ingon nga pangulo sa tanan.

Salmo 39:9

Amang ako; dili ako magbuka sa akong baba, kay ikaw ang nagbuhat niini.

Salmo 62:11

Ang Dios nagsulti sa makausa; makaduha ako makadungog niini: nga ang gahom iya sa Dios;

Mga Pagbangotan 3:37

Kinsa ang nagsugo ug kini natuman, gawas kon ang Ginoo mao ang nagbuot niini?

Daniel 4:17

Ang hukom gihimo pinaagi sa mando sa mga tigbantay, ang hukom pinaagi sa pulong sa mga balaan, sa tuyo nga ang mga buhi mahibalo nga ang Labing Halangdon maoy nagdumala sa gingharian sa mga tawo ug naghatag niini ngadto kang bisan kinsa nga buot niyang hatagan ug nagpahiluna diha niini sa labing ubos sa mga tawo.’

Daniel 4:25

nga ikaw abogon gikan sa mga tawo, ug ang imong puluy-anan uban sa mga mananap sa kapatagan. Ikaw mapugos sa pagkaon ug sagbot sama sa mga baka, ug mahumod ikaw sa yamog sa langit, ug pito ka panahon nga molabay kini kanimo, hangtod nga mahibalo ikaw nga ang Labing Halangdon mao ang naghari sa gingharian sa mga tawo ug naghatag niini ngadto kang bisan kinsa nga buot niyang hatagan.

Daniel 4:32

Ikaw abogon gikan sa mga tawo ug ang imong puluy-anan uban sa mga mananap sa kapatagan ug ikaw mapugos sa pagkaon sa sagbot sama sa baka, ug pito ka panahon ang molabay kanimo hangtod nga mahibalo ikaw nga ang Labing Halangdon mao ang naghari sa gingharian sa mga tawo, ug naghatag niini ngadto kang bisan kinsa nga buot niyang hatagan.”

Daniel 4:35

Ang tanang nagpuyo sa yuta giisip nga walay bili, ug siya nagbuhat sumala sa iyang kabubut-on diha sa panon sa langit ug taliwala sa mga nagpuyo sa yuta; ug walay makapugong sa iyang kamot o makaingon kaniya, “Unsa ang imong gibuhat?”

Daniel 5:21

Siya giabog gikan sa mga tawo ug ang iyang hunahuna gihimo nga sama sa mananap ug ang iyang puluy-anan didto uban sa ihalas nga mga asno. Siya gipakaon ug sagbot sama sa baka ug ang iyang lawas nahumod sa yamog sa langit hangtod nga siya nakaila nga ang Labing Halangdon nga Dios nagmando sa gingharian sa mga tawo ug siya nagpahimutang sa ibabaw niini kang bisan kinsa nga buot niya.

Mateo 26:65

Ug ang labawng pangulong pari migisi sa iyang mga bisti ug miingon, “Nagsulti siya ug pasipala! Nganong magkinahanglan pa kita ug mga saksi? Nakadungog kamo karon sa iyang pagpasipala.

Mateo 27:2

Ug sa nagapos na nila siya, gidala nila siya ug gitugyan ngadto kang Pilato nga gobernador.

Mateo 6:13

ug ayaw kami itugyan sa pagsulay kondili luwasa kami gikan sa daotan.

Marcos 14:44

Mihatag kanila ug usa ka ilhanan ang nagbudhi kaniya nga nag-ingon, “Hain gani ang akong halokan, mao na kana siya, dakpa ug dad-a nga binantayan pag-ayo.”

Lucas 22:53

Sa didto ako sa Templo uban kaninyo matag adlaw, wala hinuon ninyo bakyawa ang inyong mga kamot batok kanako. Apan kini mao ang inyong panahon, ug ang gahom sa kangitngit.”

Juan 18:13

Ug ila unang gidala siya ngadto kang Anas kay kini siya mao man ang ugangan ni Caifas nga mao ang labawng pari niadtong tuiga.

Juan 18:3

Unya sa nakadala na si Judas ug usa ka panon nga mga sundalo ug pipila ka mga tinugyanan sa mga pangulong pari ug sa mga Pariseo, siya miadto didto nga sangkap sa mga parol ug mga sulo ug mga hinagiban.

Juan 19:10

Busa si Pilato miingon kaniya, “Dili ba diay ikaw makigsulti kanako? Wala ba ikaw mahibalo nga may kagahom ako sa pagbuhi kanimo ug kagahom sa pagpalansang kanimo sa krus?”

Juan 3:27

Si Juan mitubag, “Walay tawo nga makadawat ug bisan unsa gawas sa ihatag kaniya gikan sa langit.

Juan 7:30

Tungod niini naninguha sila sa pagdakop kaniya apan walay midakop kaniya kay wala pa man moabot ang iyang panahon.

Juan 9:41

Si Jesus miingon kanila, “Kon buta pa kamo, dili unta kamo sad-an; apan kay nag-ingon man kamo karon, ‘Makakita kami,’ nagpabilin ang inyong sala.

Mga Buhat 2:23

Kining maong Jesus nga gitugyan sumala sa gitakda nga plano ug sa nahibaloan nang daan sa Dios, inyong gilansang sa krus ug gipatay pinaagi sa mga kamot sa mga tawong wala magtamod sa balaod.

Mga Buhat 3:13

Ang Dios ni Abraham ug ni Isaac ug ni Jacob, ang Dios sa atong katigulangan, nagpasidungog sa iyang alagad nga si Jesus, nga inyong gitugyan ug gilimod sa atubangan ni Pilato nga mihukom na unta sa pagbuhi kaniya.

Mga Buhat 4:28

aron sa pagbuhat sa bisan unsa nga gitakda nang daan nga mahitabo sumala sa buhat sa imong kamot ug sa imong plano.

Roma 11:36

Kay gikan kaniya ug pinaagi kaniya ug ngadto kaniya mao ang tanang mga butang. Kaniya ang himaya hangtod sa kahangtoran. Amen.

Roma 13:1

Kinahanglan nga ang matag tawo magpailalom sa mga anaa sa kagamhanan. Kay walay kagahom nga dili gikan sa Dios, ug ang mga anaa karon gipahimutang sa Dios.

Santiago 1:17

Ang tanang maayong paghatag ug ang tanang hingpit nga gasa gikan sa kahitas-an, gikan sa Amahan sa mga kahayag, kinsa walay pagkausab o anino sa pagkabalhin.

Santiago 4:17

Busa ngadto kaniya nga nasayod unsay maayong buhaton ug wala magbuhat niini, sala kini alang kaniya.