Juan 18:4

Ang Biblia 2011

Ug si Jesus nga nahibalo na sa tanang mahitabo kaniya, misugat ug miingon kanila, “Kinsay inyong gipangita?”

Cross References

1 Mga Hari 18:10

Ingon nga ang Ginoo nga imong Dios buhi, walay nasod o gingharian, diin ang akong agalon wala magpasugo sa pagpangita kanimo ug kon moingon sila, ‘Siya wala dinhi,’ siya naghimo ug usa ka panumpa sa gingharian o nasod nga wala ikaw nila makit-i.

Nehemias 6:11

Apan ako miingon, “Moikyas ba ang usa ka tawo nga sama kanako? Ug kinsa bang tawhana nga sama kanako nga mosulod sa Templo ug mabuhi? Dili ako mosulod.”

Salmo 27:3

Bisan usa ka dakong panon magkampo batok kanako, dili mahadlok ang akong kasingkasing; bisan ug may gubat batok kanako, bisan pa niini ako masaligon.

Salmo 3:6

Dili ako mahadlok sa napulo ka libo sa katawhan nga misulong libot kanako.

Mga Panultihon 28:1

Ang daotan mopalayo bisan ug walay naggukod, apan ang matarong isog sama sa liyon.

Mateo 16:21

Sukad niadtong panahona si Jesus misugod sa pagpahayag ngadto sa iyang mga tinun-an nga kinahanglang moadto siya sa Jerusalem ug mag-antos sa daghang mga pagsakit gikan sa mga kadagkoan ug sa mga pangulong pari ug sa mga eskriba ug nga patyon siya ug sa ikatulong adlaw banhawon.

Mateo 26:2

“Kamo nahibalo nga human sa duha ka adlaw mao na ang Kasaulogan sa Pagsaylo ug ang Anak sa Tawo itugyan na aron ilansang sa krus.”

Mateo 26:21

Ug samtang nangaon sila, siya miingon kanila, “Sa pagkatinuod, sultihan ko kamo, nga usa kaninyo magbudhi kanako.”

Mateo 26:31

Unya si Jesus miingon kanila, “Karong gabhiona kamong tanan mamiya tungod kanako kay nasulat kini, ‘Hampakon nako ang tigbantay ug magkatibulaag ang mga karnero sa panon.’

Lucas 24:44

Unya miingon siya kanila, “Kini mao ang akong mga pulong nga gisulti nako kaninyo sa kauban pa ako ninyo, nga ang tanang nasulat mahitungod kanako diha sa Balaod ni Moises ug sa mga Propeta ug sa mga Salmo kinahanglan gayod nga matuman.”

Juan 13:1

Sa wala pa ang Kasaulogan sa Pagsaylo, si Jesus nahibalo nga miabot na ang takna sa iyang pagbiya niining kalibotana ug sa pag-adto ngadto sa Amahan. Ug kay nahigugma man siya sa mga iya nga ania sa kalibotan, sila iyang gihigugma hangtod sa kataposan.

Juan 13:11

Kay siya nasayod man kinsa ang magbudhi kaniya. Tungod niini miingon siya, “Dili kamong tanan hinlo.”

Juan 18:5

Sila mitubag kaniya, “Si Jesus nga taga-Nazaret.” Si Jesus miingon kanila, “Ako mao siya.” Si Judas, nga mao ang nagbudhi kaniya, nagtindog uban kanila.

Juan 18:7

Nangutana siya pag-usab kanila, “Kinsa bay inyong gipangita?” Ug sila mitubag, “Si Jesus nga taga-Nazaret.”

Juan 19:28

Human niini, si Jesus nga nahibalo nga ang tanan natapos na, miingon (sa pagtuman sa kasulatan), “Giuhaw ako.”

Juan 6:64

Apan adunay pipila kaninyo nga wala motuo.” Kay si Jesus nasayod man sukad sa sinugdan kinsa kadtong wala motuo ug kinsa kadtong magbudhi kaniya.

Mga Buhat 2:28

Gipaila nimo kanako ang mga dalan sa kinabuhi, himoon nimo ako nga puno sa kalipay pinaagi sa imong presensya.’

1 Pedro 4:1

Busa ingon nga si Cristo nag-antos diha sa lawas, sangkapi ninyo ang inyong kaugalingon sa samang hunahuna, kay siya nga mag-antos diha sa lawas makahunong na sa pagpakasala,