Juan 18:38

Ang Biblia 2011

Si Pilato nangutana kaniya, “Unsa man ang kamatuoran?” Human siya makasulti niini, si Pilato migula pag-usab ngadto sa mga Judio ug miingon kanila, “Wala akoy nakita nga sala diha kaniya.

Cross References

Mateo 27:24

Busa sa pagtan-aw ni Pilato nga wala siyay mahimo ug nagsugod na hinuon ang kagubot, mikuha siya ug tubig ug sa atubangan sa panon sa katawhan nanghunaw siya sa iyang mga kamot nga nag-ingon, “Wala akoy sala sa dugo niining tawhana, inyo na kanang tulubagon.”

Marcos 15:14

Ug si Pilato miingon kanila, “Kay ngano man diay, unsa may iyang nabuhat nga daotan?” Apan misamot na hinuon sila sa pagsinggit, “Ilansang siya sa krus!”

Lucas 23:4

Ug si Pilato miingon sa mga pangulong pari ug sa pundok sa katawhan, “Wala akoy nakitang sala niining tawhana.”

Juan 18:33

Busa si Pilato misulod pag-usab sa palasyo ug iyang gitawag si Jesus ug giingnan siya, “Ikaw ba ang Hari sa mga Judio?”

Juan 19:4

Unya si Pilato migula na usab ug miingon kanila, “Tan-awa, ania gidala nako siya kaninyo sa gawas aron mahibalo kamo nga wala akoy nakitang sala diha kaniya.”

Juan 19:6

Sa pagkakita sa mga pangulong pari ug sa mga tinugyanan kaniya, sila naninggit nga nag-ingon, “Ilansang siya sa krus! Ilansang siya sa krus!” Si Pilato miingon kanila, “Kuhaa ninyo siya ug ilansang sa krus, kay wala akoy nakitang sala diha kaniya.”

Mga Buhat 17:32

Sa ilang pagkadungog mahitungod sa pagkabanhaw sa mga patay, ang uban nagbugalbugal apan ang uban miingon, “Maminaw ra kami kanimo pag-usab mahitungod niini.”

1 Pedro 1:19

kondili pinaagi sa bililhong dugo ni Cristo, sama sa dugo sa nating karnero nga walay buling o mansa.