Juan 18:37

Ang Biblia 2011

Ug si Pilato miingon kaniya, “Busa ikaw hari diay?” Si Jesus mitubag kaniya, “Ikaw nagsulti nga ako hari. Ug alang niini ako natawo, ug alang niini ako mianhi sa kalibotan aron sa pagpadayag sa kamatuoran. Ang tanan nga iya sa kamatuoran namati sa akong tingog.”

Cross References

Isaias 55:4

Tan-awa, gihimo nako siya nga usa ka saksi ngadto sa mga katawhan, usa ka pangulo ug tigmando alang sa mga katawhan.

Mateo 26:64

Si Jesus miingon kaniya, “Gipamulong nimo. Apan sultihan ko kamo sukad karon, makita ninyo ang Anak sa Tawo nga maglingkod diha sa tuo sa Gahom ug moabot nga sinapwang sa mga panganod sa langit.”

Mateo 27:11

Si Jesus nagtindog sa atubangan sa gobernador ug ang gobernador nangutana kaniya, “Ikaw ba ang Hari sa mga Judio?” Si Jesus miingon, “Gipamulong nimo.”

Marcos 14:62

Si Jesus mitubag kaniya, “Ako mao, ug makita unya ninyo ang Anak sa Tawo nga maglingkod sa tuo sa Gahom ug moabot nga inubanan sa mga panganod sa langit.”

Marcos 15:2

Si Pilato nangutana kaniya, “Ikaw ba ang Hari sa mga Judio?” Ug siya mitubag kaniya, “Gipamulong nimo.”

Lucas 22:70

Ug silang tanan miingon, “Ikaw ba diay ang Anak sa Dios?” Ug siya miingon kanila, “Kamo nag-ingon nga ako mao.”

Lucas 23:3

Unya si Pilato nangutana kaniya, “Ikaw ba ang Hari sa mga Judio?” Siya mitubag kaniya, “Ikaw ang nag-ingon.”

Juan 1:14

Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.

Juan 1:17

Kay ang Balaod gihatag pinaagi kang Moises, apan ang grasya ug ang kamatuoran miabot pinaagi kang Jesu-Cristo.

Juan 14:6

Si Jesus mitubag kaniya, “Ako mao ang dalan ug ang kamatuoran ug ang kinabuhi, walay si bisan kinsa nga makaadto sa Amahan, kon dili pinaagi kanako.

Juan 3:32

Siya nagpamatuod mahitungod sa iyang nakita ug nadungog, apan walay midawat sa iyang pagpamatuod.

Juan 7:17

Kon buot ni bisan kinsa ang pagbuhat sa kabubut-on sa Dios, kinahanglang mahibaloan niya kon ang gitudlo gikan ba sa Dios o nagsulti ba lamang ako gikan sa akong kaugalingon.

Juan 8:14

Si Jesus mitubag kanila, “Bisan tuod ug ako mao ang nagpamatuod alang sa akong kaugalingon, ang akong pagpamatuod tinuod kay nahibalo man ako kon diin ako gikan ug asa ako padulong. Apan kamo wala mahibalo kon diin ako gikan ug asa ako padulong.

Juan 8:45

Apan kay nagsulti man ako sa kamatuoran, kamo dili motuo kanako.

Juan 8:46

Kinsa man kaninyo ang makapamatuod nga ako sad-an? Kay ako nagsulti sa kamatuoran, nganong dili man kamo motuo kanako?

Juan 8:47

Siya nga gikan sa Dios mamati sa mga pulong sa Dios. Busa dili kamo mamati kay kamo dili man gikan sa Dios.”

1 Timoteo 6:13

Sa atubangan sa Dios nga naghatag ug kinabuhi sa tanang butang ug ni Cristo Jesus nga sa iyang pagpamatuod sa atubangan ni Poncio Pilato naghimo sa maayong pagsugid,

1 Pedro 1:22

Kay nahinloan na man ninyo ang inyong mga kalag pinaagi sa inyong pagkamasinugtanon sa kamatuoran ngadto sa matinud-anon nga paghigugma nga inigsoon gikan sa putli nga kinasingkasing, paghigugmaay kamo sa usa ug usa nga mainiton gayod.

1 Juan 2:21

Ako wala magsulat kaninyo tungod kay wala kamo mahibalo sa kamatuoran, kondili tungod kay kamo nahibalo na niini ug nga walay bakak nga naggikan sa kamatuoran.

1 Juan 3:14

Kita nasayod nga kita nakalabang na gikan sa kamatayon ngadto sa kinabuhi, tungod kay kita nahigugma man sa mga igsoon. Siya nga wala mahigugma nagpabilin diha sa kamatayon.

1 Juan 3:19

Pinaagi niini kita mahibalo nga kita iya sa kamatuoran ug makapasalig sa atong mga kasingkasing diha sa iyang atubangan

1 Juan 4:6

Kita iya sa Dios. Ang nakaila sa Dios mamati kanato ug siya nga dili iya sa Dios dili mamati kanato. Pinaagi niini mailhan nato ang espiritu sa kamatuoran ug ang espiritu sa kasaypanan.

1 Juan 5:20

Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.

Gipadayag 1:4

Si Juan nganha sa pito ka iglesia nga anaa sa Asia: Ang grasya maanaa kaninyo ug ang kalinaw gikan kaniya nga mao karon ug mao kaniadto ug mao ang umaabot, ug gikan sa pito ka espiritu nga anaa sa atubangan sa iyang trono

Gipadayag 3:14

“Ug ngadto sa anghel sa iglesia sa Laodicea, isulat kini: ‘Mao kini ang mga pulong sa Amen, ang kasaligan ug tinuod nga saksi, ang sinugdanan sa mga binuhat sa Dios: