Juan 18:36

Ang Biblia 2011

Si Jesus mitubag, “Ang akong gingharian dili gikan niining kalibotana. Kon ang akong gingharian gikan pa niining kalibotana, makig-away unta ang akong mga alagad aron dili ako ikatugyan ngadto sa mga Judio. Apan ang akong gingharian dili gikan niining kalibotana.”

Cross References

Daniel 2:44

Ug sa mga adlaw niadtong mga haria, ang Dios sa langit magtukod ug usa ka gingharian nga dili gayod malumpag, o ang gahom niini ikabilin sa laing katawhan. Kini magdugmok niining tanang mga gingharian ug magtapos kanila ug kini molungtad hangtod sa kahangtoran,

Daniel 7:14

Ug gihatag kaniya ang paggahom, ug himaya ug gingharian aron ang tanang mga katawhan, mga nasod, ug mga pinulongan mag-alagad kaniya; ang iyang paggahom walay kataposan, paggahom nga dili molabay, ug ang iyang gingharian dili mapukan.

Zacarias 9:9

Paglipay sa hilabihan, O anak nga babaye sa Zion! Singgit ug kusog, O anak nga babaye sa Jerusalem! Tan-awa, ang imong hari mianhi kanimo, malamposon ug madaogon siya, mapaubsanon ug nagsakay sa asno, sa usa ka nati nga asno.

Mateo 26:53

Naghunahuna ba ikaw nga dili ako makapakitabang sa akong Amahan ug nga dili siya makapadala karon dayon ug mga anghel nga labaw pa sa napulo ug duha ka panon?

Lucas 12:14

Apan si Jesus mitubag kaniya, “Kinsa bay naghimo kanako nga maghuhukom o tigbahin alang ninyo?”

Juan 18:35

Si Pilato mitubag, “Judio ba ako? Ang imong nasod ug ang mga pangulong pari mao ang nagtugyan kanimo nganhi kanako. Unsa ba diay ang imong nabuhat?”

Juan 6:15

Sa pagkamatikod ni Jesus nga sila moduol na sa pagpugos kaniya aron himoon nga ilang hari, siya mibiya pag-usab ug nag-inusara didto sa kabungtoran.

Juan 8:15

Naghukom kamo pinaagi sa unod apan wala ako maghukom kang bisan kinsa.

Roma 14:17

Kay ang gingharian sa Dios dili pagkaon o ilimnon, kondili pagkamatarong ug pakigdait ug kalipay diha sa Espiritu Santo.

1 Timoteo 6:13

Sa atubangan sa Dios nga naghatag ug kinabuhi sa tanang butang ug ni Cristo Jesus nga sa iyang pagpamatuod sa atubangan ni Poncio Pilato naghimo sa maayong pagsugid,