Juan 18:33

Ang Biblia 2011

Busa si Pilato misulod pag-usab sa palasyo ug iyang gitawag si Jesus ug giingnan siya, “Ikaw ba ang Hari sa mga Judio?”

Cross References

Jeremias 23:5

“Ang mga adlaw nagsingabot gayod, nag-ingon ang Ginoo, nga ako magpatindog alang kang David ug usa ka matarong nga Sanga, ug siya magmando ingon nga hari ug magdumala nga maalamon ug magpahamtang sa hustisya ug pagkamatarong dinhi sa yuta.

Sofonias 3:15

Gikuha sa Ginoo ang mga hukom batok kanimo, iyang giabog ang imong mga kaaway. Ang Hari sa Israel, ang Ginoo, anaa sa imong taliwala; dili na ikaw angay nga mahadlok sa daotan.

Zacarias 9:9

Paglipay sa hilabihan, O anak nga babaye sa Zion! Singgit ug kusog, O anak nga babaye sa Jerusalem! Tan-awa, ang imong hari mianhi kanimo, malamposon ug madaogon siya, mapaubsanon ug nagsakay sa asno, sa usa ka nati nga asno.

Mateo 27:11

Si Jesus nagtindog sa atubangan sa gobernador ug ang gobernador nangutana kaniya, “Ikaw ba ang Hari sa mga Judio?” Si Jesus miingon, “Gipamulong nimo.”

Mateo 27:27

Ug ang mga sundalo sa gobernador midala kang Jesus ngadto sa ilang kampo dapit sa palasyo ug ang tibuok batalyon sa kasundalohan nagpundok sa iyang atubangan.

Marcos 15:2

Si Pilato nangutana kaniya, “Ikaw ba ang Hari sa mga Judio?” Ug siya mitubag kaniya, “Gipamulong nimo.”

Lucas 23:2

Sila misugod sa pagsumbong batok kaniya, nga nag-ingon, “Kining tawhana among nakita nga nagpahisalaag sa atong nasod, ug nagdili kanamo sa paghatag ug buhis kang Cesar, ug nag-ingon nga siya si Cristo, usa ka hari.”

Juan 1:49

Ug si Natanael mitubag kaniya, “Rabi, ikaw mao ang Anak sa Dios! Ikaw mao ang Hari sa Israel!”

Juan 12:13

Busa nanguha sila ug mga palwa sa palmera ug nangadto sila aron sa pagsugat kaniya ug naninggit, “Hosanna! Dalaygon ang mianhi sa ngalan sa Ginoo, ang Hari sa Israel!”

Juan 12:15

“Ayaw kahadlok, babaye nga anak sa Zion; tan-awa, mianhi ang imong hari, nga nagkabayo sa nati sa asno!”

Juan 18:34

Si Jesus mitubag kaniya, “Nagsulti ba ikaw niini gikan sa imong kaugalingon o gisultihan ba ikaw sa uban mahitungod kanako?”

Juan 18:37

Ug si Pilato miingon kaniya, “Busa ikaw hari diay?” Si Jesus mitubag kaniya, “Ikaw nagsulti nga ako hari. Ug alang niini ako natawo, ug alang niini ako mianhi sa kalibotan aron sa pagpadayag sa kamatuoran. Ang tanan nga iya sa kamatuoran namati sa akong tingog.”

Juan 18:38

Si Pilato nangutana kaniya, “Unsa man ang kamatuoran?” Human siya makasulti niini, si Pilato migula pag-usab ngadto sa mga Judio ug miingon kanila, “Wala akoy nakita nga sala diha kaniya.

Juan 19:12

Tungod niini si Pilato naninguha sa pagbuhi kaniya apan ang mga Judio naninggit nga nag-ingon, “Kon imong buhian kining tawhana, dili ikaw higala ni Cesar. Ang tanan nga magpakahari nakigbatok kang Cesar.”

Juan 19:3

Miduol sila kaniya ug miingon, “Mabuhi ang Hari sa mga Judio!” ug unya gisagpa nila siya.

Juan 19:4

Unya si Pilato migula na usab ug miingon kanila, “Tan-awa, ania gidala nako siya kaninyo sa gawas aron mahibalo kamo nga wala akoy nakitang sala diha kaniya.”

Juan 19:9

Ug siya misulod pag-usab sa palasyo ug miingon kang Jesus, “Taga diin ba ikaw?” Apan si Jesus wala motubag kaniya.

1 Timoteo 6:13

Sa atubangan sa Dios nga naghatag ug kinabuhi sa tanang butang ug ni Cristo Jesus nga sa iyang pagpamatuod sa atubangan ni Poncio Pilato naghimo sa maayong pagsugid,