Juan 18:3

Ang Biblia 2011

Unya sa nakadala na si Judas ug usa ka panon nga mga sundalo ug pipila ka mga tinugyanan sa mga pangulong pari ug sa mga Pariseo, siya miadto didto nga sangkap sa mga parol ug mga sulo ug mga hinagiban.

Cross References

Salmo 22:12

Gilibotan ako sa daghang torong baka, kusgan nga mga torong baka sa Basan ang naglibot kanako;

Mateo 25:1

“Ang gingharian sa langit ikatandi sa napulo ka dalaga nga nagdala sa ilang mga lampara ug miadto aron sa pagsugat sa pamanhonon.

Juan 13:2

Samtang nanihapon sila, gisulod na sa yawa diha sa kasingkasing ni Judas Iscariote nga anak ni Simon ang pagbudhi kang Jesus.

Juan 18:12

Unya si Jesus gidakop sa panon sa mga sundalo ug sa ilang kapitan ug sa mga tinugyanan sa mga Judio ug gigapos nila siya.

Juan 18:18

Unya ang mga ulipon ug ang mga tinugyanan naghaling ug kalayo sa uling kay tugnaw man ug sila nagbarog ug nagpainit sa ilang kaugalingon. Ug si Pedro usab uban kanila, nagtindog ug nagpainit sa iyang kaugalingon.

Juan 18:22

Ug sa pagsulti niya niini, usa sa mga tinugyanan nga nagtindog sa duol misagpa kang Jesus ug miingon kaniya, “Mao ba kanay tinubagan nimo sa labawng pangulong pari?”

Juan 19:6

Sa pagkakita sa mga pangulong pari ug sa mga tinugyanan kaniya, sila naninggit nga nag-ingon, “Ilansang siya sa krus! Ilansang siya sa krus!” Si Pilato miingon kanila, “Kuhaa ninyo siya ug ilansang sa krus, kay wala akoy nakitang sala diha kaniya.”

Juan 7:32

Unya ang mga Pariseo nakadungog sa panon sa katawhan nga nagsultihanay sa ingon mahitungod kaniya ug ang mga pangulong pari ug ang mga Pariseo nagpadala ug mga tawo aron sa pagdakop kaniya.

Mga Buhat 1:16

“Mga igsoon, kinahanglan nga matuman gayod ang kasulatan nga gisulti kaniadto sa Espiritu Santo pinaagi sa baba ni David mahitungod kang Judas nga nahimong tigtultol sa mga nagdakop kang Jesus.

Mga Buhat 10:1

Didto sa Cesarea may usa ka tawo nga ginganlan ug Cornelio, usa ka kapitan sa kasundalohan nga gitawag ug Panon nga Italyano.