Juan 18:28

Ang Biblia 2011

Unya ilang gidala si Jesus gikan sa balay ni Caifas ngadto sa palasyo sa gobernador. Sayo kadto sa kabuntagon ug sila wala mosulod sa palasyo aron dili sila mahugawan ug aron makakaon sila sa Kasaulogan sa Pagsaylo.

Cross References

Salmo 35:16

sila nagbugalbugal pag-ayo, nagpakagot sa ilang mga ngipon batok kanako.

Mga Panultihon 1:16

kay ang ilang mga tiil nagdagan padulong sa kadaotan ug sila nagdali aron sa pag-ula ug dugo.

Mga Panultihon 4:16

Kay sila dili makatulog gawas kon sila makabuhat ug daotan; ang ilang pagkatulog mawala gawas kon sila makapapandol sa uban.

Ezequiel 45:21

“Sa unang bulan, sa ikanapulo ug upat nga adlaw sa bulan, himoa ninyo ang kasaulogan sa Pagsaylo, ug sulod sa pito ka adlaw ang pan nga walay patubo maoy kan-on ninyo.

Miqueas 2:1

Alaot kadtong naglaraw ug kadaotan ug nagbuhat sa daotan diha sa ilang mga higdaanan! Sa pagkabuntag, sila magbuhat niini, tungod kay kini anaa sa gahom sa ilang kamot.

Mateo 27:27

Ug ang mga sundalo sa gobernador midala kang Jesus ngadto sa ilang kampo dapit sa palasyo ug ang tibuok batalyon sa kasundalohan nagpundok sa iyang atubangan.

Marcos 15:16

Unya si Jesus gidala sa mga sundalo ngadto sa hawanan sa palasyo sa gobernador (sa ato pa, ang pretorio) ug ilang gipatigom ang tibuok hugpong sa kasundalohan.

Lucas 22:66

Sa pagkaadlawan na, nagtigom ang mga pangulo sa lungsod ug ang mga pangulong pari ug mga eskriba. Ug siya ilang gidala ngadto sa Sanhedrin, ug sila miingon kaniya,

Juan 11:55

Unya nagsingabot na ang Kasaulogan sa Pagsaylo nga iya sa mga Judio, ug sa wala pa kini, daghan ang nanungas gikan sa kalungsoran ngadto sa Jerusalem aron sa pagpaputli sa ilang kaugalingon.

Juan 18:13

Ug ila unang gidala siya ngadto kang Anas kay kini siya mao man ang ugangan ni Caifas nga mao ang labawng pari niadtong tuiga.

Juan 18:15

Unya si Simon Pedro misunod kang Jesus, ingon man ang lain pang tinun-an. Ug kining maong tinun-an nailhan sa labawng pangulong pari busa siya misulod uban kang Jesus ngadto sa hawanan sa balay sa labawng pangulong pari;

Juan 18:33

Busa si Pilato misulod pag-usab sa palasyo ug iyang gitawag si Jesus ug giingnan siya, “Ikaw ba ang Hari sa mga Judio?”

Juan 18:39

Apan aduna man kamoy batasan nga sa matag Kasaulogan sa Pagsaylo ako magbuhi ug usa ka binilanggo alang kaninyo. Buot ba kamo nga buhian nako kaninyo ang Hari sa mga Judio?”

Juan 19:11

Si Jesus mitubag kaniya, “Wala ka untay kagahom ibabaw kanako kon wala pa ikaw hatagi niini gikan sa kahitas-an, busa ang nagtugyan kanako nganha kanimo dako pa ug sala.”

Juan 19:14

Ug kadto adlaw sa Pangandam alang sa Kasaulogan sa Pagsaylo, sa udtong tutok. Ug siya miingon sa mga Judio, “Tan-awa, ania ang inyong Hari!”

Juan 19:9

Ug siya misulod pag-usab sa palasyo ug miingon kang Jesus, “Taga diin ba ikaw?” Apan si Jesus wala motubag kaniya.

Mga Buhat 10:28

Ug siya miingon kanila, “Kamo gayod nahibalo nga supak sa balaod alang sa usa ka Judio ang pagpakigsuod o pagpamisita kang bisan kinsa nga taga-laing nasod. Apan ang Dios nagpakita kanako nga kinahanglan dili ako magtawag kang bisan kinsa nga dili putli o hugaw.

Mga Buhat 10:32

Busa pagsugo ngadto sa Jopa aron pagkuha kang Simon nga ginganlan ug Pedro. Kining tawhana nag-abot sa balay ni Simon nga tigbuhat ug panit diha sa daplin sa dagat.’

Mga Buhat 11:3

nga nag-ingon, “Nganong miadto ka man sa mga tawong dili tinuli ug nakigsalo kanila sa pagpangaon?”

Mga Buhat 3:13

Ang Dios ni Abraham ug ni Isaac ug ni Jacob, ang Dios sa atong katigulangan, nagpasidungog sa iyang alagad nga si Jesus, nga inyong gitugyan ug gilimod sa atubangan ni Pilato nga mihukom na unta sa pagbuhi kaniya.

Mga Buhat 4:27

Kay sa pagkatinuod, dinhi niining siyudad adunay nagkatigom batok sa imong balaang alagad nga si Jesus nga imong gidihogan—si Herodes ug si Poncio Pilato uban sa mga Gentil ug sa mga tawo sa Israel

Deuteronomio 16:2

Ug paghalad kamo ug inihaw alang sa Pagsaylo ngadto sa Ginoo nga inyong Dios, gikan sa mga karnero ug gikan sa mga baka didto sa dapit nga pilion sa Ginoo nga papuy-an sa iyang ngalan.