Juan 18:18

Ang Biblia 2011

Unya ang mga ulipon ug ang mga tinugyanan naghaling ug kalayo sa uling kay tugnaw man ug sila nagbarog ug nagpainit sa ilang kaugalingon. Ug si Pedro usab uban kanila, nagtindog ug nagpainit sa iyang kaugalingon.

Cross References

Genesis 49:6

O kalag ko, ayaw pag-apil sa ilang panagtigom, O akong espiritu, ayaw pakigtipon kanila, kay sa ilang kapungot gipatay nila ang mga tawo, ug sa ilang pagkamapatuyangon gipamiangan nila ang mga baka.

1 Mga Hari 19:9

Ug siya miadto sa usa ka langob ug mipahulay didto, ug unya ang pulong sa Ginoo midangat kaniya ug siya miingon kaniya, “Unsay imong gibuhat dinhi, Elias?”

Salmo 1:1

Bulahan ang tawo nga wala maglakaw subay sa tambag sa mga daotan, o magtindog diha sa dalan sa mga makasasala, o maglingkod sa mga lingkoranan sa mga mayubiton;

Mga Panultihon 13:20

Siya nga naglakaw uban sa mga maalamon mahimong maalamon, apan ang kauban sa mga buangbuang mag-antos sa kadaot.

Marcos 14:54

Ug si Pedro nga nagpaantaw misunod kaniya hangtod sa sulod sa hawanan sa tugkaran sa balay sa labawng pangulong pari, ug siya milingkod uban sa mga bantay ug nagpainit sa iyang kaugalingon duol sa kalayo.

Marcos 14:67

Ug sa iyang pagkakita kang Pedro nga nagpainit atubangan sa kalayo, siya mitutok kaniya ug miingon, “Ikaw usab kauban nianang Nazaretnon nga si Jesus.”

Lucas 22:44

Samtang nag-antos siya sa hilabihang kasakit, nag-ampo siya nga labaw pa ka mainiton; ug ang iyang singot nahimong sama sa dagkong tulo sa dugo nga nangatagak sa yuta.]

Juan 18:25

Niadtong tungora si Simon Pedro nagtindog ug nagpainit sa iyang kaugalingon. Ug sila nangutana kaniya, “Dili ba ikaw usa usab sa iyang mga tinun-an?” Kini gilimod niya ug siya miingon, “Dili!”

Juan 18:3

Unya sa nakadala na si Judas ug usa ka panon nga mga sundalo ug pipila ka mga tinugyanan sa mga pangulong pari ug sa mga Pariseo, siya miadto didto nga sangkap sa mga parol ug mga sulo ug mga hinagiban.

Juan 21:9

Sa nakakawas na sila, nakita nila didto ang usa ka tapok sa mga binagang uling nga sa ibabaw niini dihay isda nga gisugba ug may pan usab.

Mga Buhat 4:23

Sa dihang gibuhian na sila, miadto sila sa ilang mga kauban ug ilang gisugilon ang gisulti kanila sa mga pangulong pari ug sa mga kadagkoan.

1 Mga Taga-Corinto 15:33

Ayaw kamo pagpahisalaag, “Ang daotang pakig-uban makadaot sa maayong pamatasan.”