Juan 18:12

Ang Biblia 2011

Unya si Jesus gidakop sa panon sa mga sundalo ug sa ilang kapitan ug sa mga tinugyanan sa mga Judio ug gigapos nila siya.

Cross References

Genesis 22:9

Sa dihang miabot sila sa dapit nga giingon kaniya sa Dios, si Abraham naghimo didto ug usa ka halaran ug gipahiluna niya pag-ayo ang kahoy ug gigapos niya si Isaac nga iyang anak ug gipahimutang niya siya sa halaran, sa ibabaw sa sugnod.

Genesis 40:3

Ug gipabantayan niya sila didto sa balay sa kapitan sa mga bantay, didto sa bilanggoan diin si Jose nabilanggo.

Salmo 118:27

Ang Ginoo mao ang Dios, ug siya naghatag kanato ug kahayag. Bangana ang halad uban sa mga sanga, ngadto sa mga sungaysungay sa halaran!

Mateo 26:57

Ug ang mga nagdakop kang Jesus midala kaniya ngadto kang Caifas, ang labawng pangulong pari, diin didto nagkatigom ang mga eskriba ug ang mga kadagkoan.

Mateo 27:2

Ug sa nagapos na nila siya, gidala nila siya ug gitugyan ngadto kang Pilato nga gobernador.

Mateo 27:27

Ug ang mga sundalo sa gobernador midala kang Jesus ngadto sa ilang kampo dapit sa palasyo ug ang tibuok batalyon sa kasundalohan nagpundok sa iyang atubangan.

Marcos 14:53

Gidala nila si Jesus ngadto sa labawng pangulong pari ug nagtigom ang tanang mga pangulong pari ug mga kadagkoan ug mga eskriba.

Marcos 15:1

Dihadiha, sa pag-abot na sa kabuntagon, ang mga pangulong pari nakigsabot uban sa mga kadagkoan ug sa mga eskriba ug sa tibuok Sanhedrin. Ug gigapos nila si Jesus ug gidala ug gitugyan ngadto kang Pilato.

Lucas 22:54

Unya sa nadakop na nila siya, ilang gihatod ug gidala siya ngadto sa balay sa labawng pangulong pari. Ug si Pedro misunod nga nagpalayo.

Juan 18:3

Unya sa nakadala na si Judas ug usa ka panon nga mga sundalo ug pipila ka mga tinugyanan sa mga pangulong pari ug sa mga Pariseo, siya miadto didto nga sangkap sa mga parol ug mga sulo ug mga hinagiban.

Mga Buhat 10:1

Didto sa Cesarea may usa ka tawo nga ginganlan ug Cornelio, usa ka kapitan sa kasundalohan nga gitawag ug Panon nga Italyano.

Mga Buhat 21:31

Ug samtang naninguha sila sa pagpatay kang Pablo, miabot sa komandante sa kasundalohan ang balita nga nagubot ang tibuok Jerusalem.

Mga Buhat 21:37

Sa diha nga isulod na unta si Pablo sa kampo, siya miingon sa komandante, “Mahimo bang mosulti ako kanimo?” Ug siya mitubag, “Makamao ba ikaw ug Grego?

Mga Buhat 23:10

Sa diha nga misamot kainit ang panaglalisay, ang komandante nga nahadlok nga kuniskunison si Pablo, misugo sa mga sundalo sa pagkanaog ug sa pagkuha kaniya pinaagi sa kusog gikan kanila ug sa pagdala kaniya ngadto sa kampo.

Mga Maghuhukom 16:21

Unya gidakop siya sa mga Filistihanon ug gilugit ang iyang mga mata, ug gidala siya ngadto sa Gaza ug gigapos siya ug bronsi nga kadena ug gihimong tiggaling didto sa bilanggoan.