Juan 18:1

Ang Biblia 2011

Sa nakasulti na si Jesus niini, miadto siya uban sa iyang mga tinun-an tabok sa walog sa Kidron, ug niini didtoy usa ka tanaman diin misulod siya ug ang iyang mga tinun-an.

Cross References

Genesis 2:15

Gikuha sa Ginoong Dios ang tawo ug gibutang sa tanaman sa Eden aron mag-atiman ug magbantay niini.

Genesis 3:23

Tungod niini ang Ginoong Dios mihingilin kaniya gikan sa tanaman sa Eden aron sa pag-uma sa yuta diin siya gikuha.

2 Samuel 15:23

Ug ang tanan sa tibuok yuta mihilak sa kusog nga tingog samtang ang tibuok katawhan ug ang hari mitabok sa sapa sa Kidron, ug ang tibuok katawhan mipadayon paingon sa kamingawan.

1 Mga Hari 15:13

Ug gikuha usab niya si Maaca nga iyang inahan gikan sa pagkarayna, tungod kay aduna siyay dulumtanan nga larawan nga gihimo alang kang Asera. Ug giputol ni Asa ang iyang larawan ug gisunog kini didto sa sapa sa Kidron.

1 Mga Hari 2:37

Kay sa adlaw nga ikaw mobiya, ug molabang sa sapa sa Kidron, hibaloi nga ikaw mamatay gayod ug ang imong dugo anha sa ibabaw sa imong kaugalingong ulo.”

2 Mga Hari 23:12

Ang mga halaran nga diha sa atop sa kinatas-an nga lawak ni Ahas, nga gibuhat sa mga hari sa Juda ug ang mga halaran nga gibuhat ni Manases didto sa duha ka hawanan sa balay sa Ginoo, iyang gilumpag ug gipulpog ug ilang gisaliyab ang abog didto sa sapa sa Kidron.

2 Mga Hari 23:4

Unya ang hari misugo kang Hilkias nga labawng pangulong pari, ug sa mga pari sa ikaduhang laray, ug sa mga tigbantay sa tugkaran, sa pagdala ngadto sa gawas sa balay sa Ginoo sa tanan nga mga sudlanan nga gihimo alang sa Baal, alang sa Asera ug alang sa tanang panon sa kalangitan. Ug iya kining gisunog sa gawas sa Jerusalem diha sa mga kapatagan sa Kidron, ug gidala ang mga abo niini ngadto sa Betel.

2 Mga Hari 23:6

Iyang gipagawas ang Asera gikan sa balay sa Ginoo ngadto sa gawas sa Jerusalem, ngadto sa sapa sa Kidron ug gisunog kini didto sa sapa sa Kidron ug gidugmok hangtod nga naabog ug gisaliyab ang abog niini sa ibabaw sa mga lubnganan sa mga anak sa mga tawo nga yano.

2 Cronicas 15:16

Bisan si Maaca nga iyang inahan gipapahawa ni Hari Asa gikan sa pagkarayna tungod kay siya naghimo ug usa ka dulumtanan nga larawan alang kang Asera. Giputol ni Asa ang iyang larawan ug gidugmok kini ug gisunog kini didto sa Sapa sa Kidron.

2 Cronicas 29:16

Ang mga pari misulod ngadto sa kinasulorang dapit sa balay sa Ginoo aron sa paghinlo niini, ug gidala nila sa gawas ang tanang mga kahugawan nga ilang nakita didto sa Templo sa Ginoo, ngadto sa hawanan sa balay sa Ginoo. Ug gikuha kini sa mga Levihanon ug gidala ngadto sa sapa sa Kidron.

2 Cronicas 30:14

Sila misugod sa pagbuhat ug gipanguha ang mga halaran nga didto sa Jerusalem, ug ang tanang mga halaran alang sa insenso ilang gikuha ug gisalibay ngadto sa sapa sa Kidron.

Nehemias 2:15

Unya miadto ako sa pagkagabii duol sa walog, ug gisusi nako ang paril ug mibalik ako ug misulod sa Ganghaan sa Walog ug sa ingon niana nahibalik.

Jeremias 31:40

Ang tibuok nga walog sa mga patayng lawas ug sa mga abo, ug ang tanang mga uma hangtod sa sapa sa Kidron, ngadto sa eskina sa Ganghaan sa Kabayo paingon sa silangan, mahimong balaan alang sa Ginoo. Kini dili ibton, o lumpagon pa hangtod sa kahangtoran.”

Levitico 2:6

Kini imong tipiktipikon ug buboan ug lana. Mao kini ang halad nga pagkaon.

Mateo 26:30

Human sila makaawit ug alawiton, nangadto sila sa Bungtod sa mga Olibo.

Mateo 26:36

Unya miadto si Jesus uban sa iyang mga tinun-an sa usa ka dapit nga ginganlan ug Getsemani ug siya miingon kanila, “Panglingkod kamo dinhi samtang adto ako sa unahan aron mag-ampo.”

Marcos 14:26

Sa nakaawit na sila ug usa ka alawiton, nangadto sila sa Bungtod sa mga Olibo.

Marcos 14:32

Nangadto sila sa usa ka dapit nga ginganlan ug Getsemane, ug miingon siya sa iyang mga tinun-an, “Panglingkod kamo dinhi samtang mag-ampo ako.”

Marcos 14:42

Bangon kamo ug manglakaw na kita. Tan-awa, ang magbudhi kanako ania na sa duol.”

Juan 14:31

apan magbuhat ako sumala sa gisugo kanako sa Amahan, aron masayod ang kalibotan nga ako nahigugma sa Amahan. Panindog kamo, manglakaw na kita.

Juan 18:26

Usa sa mga ulipon sa labawng pangulong pari nga kadugo sa giputlan ni Pedro ug dalunggan nangutana kaniya, “Wala ba ako makakita kanimo didto sa tanaman uban kaniya?”

Mga Buhat 21:11

Ug sa pagduol niya kanamo, iyang gikuha ang bakos ni Pablo ug gigapos ang iyang kaugalingong mga tiil ug mga kamot, ug miingon, “Mao kini ang giingon sa Espiritu Santo, ‘Sa ingon niini gaposon sa mga Judio sa Jerusalem ang tag-iya niining bakosa ug itugyan siya ngadto sa mga kamot sa mga Gentil.’ ”