Juan 17:9

Ang Biblia 2011

Ako nangamuyo alang kanila. Wala ako mangamuyo alang sa kalibotan, kondili alang kanila nga imong gitugyan kanako kay sila imo man.

Cross References

Lucas 22:32

apan nag-ampo ako alang kanimo, nga unta dili maluya ang imong pagtuo, apan sa dihang mahibalik na ikaw, lig-ona ang imong mga igsoon.”

Lucas 23:34

Unya si Jesus miingon, “Amahan, pasayloa sila, kay wala sila masayod sa ilang gibuhat.” Ug ilang giripahan ang iyang mga bisti aron sa pagbahin niini.

Lucas 8:34

Ug sa pagkakita sa mga tigbantay sa mga baboy sa nahitabo, nanagan sila, ug ilang gisugilon kini sa lungsod ug kabalangayan.

Juan 14:16

Ug ako mangamuyo sa Amahan, ug kamo iyang hatagan ug laing Manlalaban nga mag-uban kaninyo hangtod sa kahangtoran

Juan 17:2

kay gihatagan man nimo siya ug kagahom ibabaw sa tanang katawhan aron sa paghatag ug kinabuhing dayon ngadto sa tanan nga imong gikatugyan kaniya.

Juan 17:20

“Nangamuyo ako dili lamang mahitungod kanila kondili mahitungod usab sa mga motuo kanako pinaagi sa ilang pulong,

Juan 17:6

“Gipadayag nako ang imong ngalan ngadto sa mga tawo nga imong gitugyan kanako gikan sa kalibotan. Kini sila imo apan gitugyan nimo sila kanako ug gituman nila ang imong pulong.

Juan 6:37

Ang tanan nga gihatag kanako sa Amahan moari kanako ug siya nga moari kanako dili gayod nako isalikway.

Juan 6:39

Ug ang kabubut-on sa nagpadala kanako mao kini, nga dili ako kawad-an bisan ug usa sa tanan nga iyang gihatag kanako kondili banhawon kini sa kataposang adlaw.

Mga Hebreo 7:25

Busa sa tanang panahon siya makaluwas sa mga moduol sa Dios pinaagi kaniya, kay buhi man siya sa kanunay aron sa pagpangamuyo alang kanila.

Mga Hebreo 9:24

Kay si Cristo misulod dili ngadto sa usa ka balaang dapit nga hinimo ug mga kamot, nga hulagway lamang sa matuod, kondili ngadto sa langit gayod, sa pagpangatubang karon alang kanato ngadto sa Dios.

1 Juan 5:19

Kita nasayod nga kita iya sa Dios ug ang tibuok kalibotan anaa sa daotan.

Gipadayag 12:9

Ug gitambog ang dakong dragon, ang bitin nga karaan, ang ginganlag Yawa ug Satanas, ang tiglimbong sa tibuok kalibotan—gitambog ngadto sa kalibotan, ug ang iyang mga anghel gitambog uban kaniya.

Gipadayag 13:8

Ug magsimba kaniya ang tanang nagpuyo sa kalibotan, silang tanan nga ang mga ngalan wala masulat sa basahon sa kinabuhi nga iya sa gipatay nga Nating Karnero, sa wala pa mahimo ang tanang butang.

Gipadayag 20:15

Ug si bisan kinsa nga wala makaplagi nga nasulat diha sa basahon sa kinabuhi, siya itambog ngadto sa linaw nga kalayo.