Juan 16:28

Ang Biblia 2011

Ako gikan sa Amahan ug ako mianhi sa kalibotan, ug usab, mobiya ako sa kalibotan ug moadto sa Amahan.”

Cross References

Lucas 24:51

Ug samtang nagpanalangin siya kanila, siya mibiya gikan kanila ug gibayaw ngadto sa langit.

Lucas 9:51

Sa nagkaduol na ang mga adlaw nga siya bayawon, siya hugot nga mihukom sa pag-adto sa Jerusalem.

Juan 13:1

Sa wala pa ang Kasaulogan sa Pagsaylo, si Jesus nahibalo nga miabot na ang takna sa iyang pagbiya niining kalibotana ug sa pag-adto ngadto sa Amahan. Ug kay nahigugma man siya sa mga iya nga ania sa kalibotan, sila iyang gihigugma hangtod sa kataposan.

Juan 13:3

Ug si Jesus, nga nasayod nga ang tanang butang gikatugyan na sa Amahan nganha sa iyang mga kamot ug nga siya gikan sa Dios ug ngadto siya sa Dios mopadulong,

Juan 14:28

Nakadungog kamo kanako nga nag-ingon kaninyo, ‘Ako moadto apan moanha ra ako kaninyo.’ Kon kamo nahigugma kanako, malipay kamo nga ako moadto sa Amahan kay ang Amahan labaw pa man kanako.

Juan 16:10

mahitungod sa pagkamatarong, kay ako moadto man sa Amahan ug dili na kamo makakita kanako,

Juan 16:16

“Sulod sa mubong panahon, dili na kamo makakita kanako, ug sa mubong panahon na usab, makakita kamo kanako.”

Juan 16:30

Karon nasayod na kami nga ikaw nahibalo sa tanang mga butang ug nga ikaw dili na kinahanglan nga pangutan-on pa ni bisan kinsa. Tungod niini kami nagtuo nga ikaw gikan sa Dios.”

Juan 16:5

Apan karon moadto na ako sa nagpadala kanako apan wala kaninyoy nangutana kanako, ‘Asa man ikaw paingon?’

Juan 17:11

Ug karon dili na ako dinhi sa kalibotan, apan kini sila ania sa kalibotan, ug ako moanha na kanimo. Amahan nga balaan, bantayi sila pinaagi sa imong ngalan nga gihatag nimo kanako, aron sila mahiusa ingon nga kita usa.

Juan 17:13

Apan karon moanha na ako kanimo, ug kining mga butanga gisulti nako dinhi sa kalibotan aron makabaton sila sa akong kalipay nga nahingpit diha kanila.

Juan 17:5

Ug karon, Amahan, himayaa ako diha kanimo, sa himaya nga gihuptan nako kaniadto uban kanimo sa wala pa buhata ang kalibotan.

Juan 8:14

Si Jesus mitubag kanila, “Bisan tuod ug ako mao ang nagpamatuod alang sa akong kaugalingon, ang akong pagpamatuod tinuod kay nahibalo man ako kon diin ako gikan ug asa ako padulong. Apan kamo wala mahibalo kon diin ako gikan ug asa ako padulong.

Juan 8:42

Si Jesus mitubag kanila, “Kon ang Dios mao pa ang inyong Amahan, nahigugma unta kamo kanako kay ako gikan man sa Dios busa ania ako. Wala ako moanhi sa akong kaugalingong kabubut-on, kondili gipadala ako niya.