Juan 16:23

Ang Biblia 2011

Ug niana unyang adlawa wala na kamoy ipangutana pa kanako. Sa pagkatinuod gayod, sultihan ko kamo, nga kon mangayo kamo ug bisan unsa gikan sa Amahan pinaagi sa akong ngalan, siya mohatag niini kaninyo.

Cross References

Isaias 65:24

Sa dili pa sila magsangpit, ako motubag na, samtang nagsulti pa sila, ako mamati.

Mateo 21:22

Ug ang tanang butang nga inyong pangayoon pinaagi sa pag-ampo madawat ninyo kon aduna kamoy pagtuo.”

Mateo 7:7

“Pangayo ug kamo hatagan, pangita ug kamo makakaplag, panuktok, ug ang pultahan ablihan alang kaninyo.

Juan 14:20

Niana unyang adlawa inyong mahibaloan nga ako anaa sa akong Amahan ug kamo ania kanako ug ako anaa kaninyo.

Juan 14:22

Si Judas (dili ang Iscariote) miingon kaniya, “Ginoo, ngano ba nga anhi man ikaw kanamo magpadayag sa imong kaugalingon, ug dili hinuon ngadto sa kalibotan?”

Juan 14:5

Si Tomas miingon kaniya, “Ginoo, wala kami mahibalo kon asa ikaw moadto busa unsaon man namo sa pagkahibalo sa dalan?”

Juan 15:7

Kon kamo magpabilin kanako ug ang akong mga pulong magpabilin kaninyo, pangayo kamo ug bisan unsa nga buot ninyo, ug himoon kini alang kaninyo.

Juan 16:19

Si Jesus nahibalo nga sila buot mangutana kaniya, busa siya miingon kanila, “Mao ba kini ang inyong gipangutana sa usa ug usa, unsay gipasabot nako sa akong pag-ingon, ‘Sulod sa mubong panahon, dili na kamo makakita kanako, ug sa mubong panahon na usab, makakita kamo kanako’?

Juan 16:26

Niana unyang adlawa kamo mangayo pinaagi sa akong ngalan, ug wala ako mag-ingon kaninyo nga ako mag-ampo sa Amahan alang kaninyo,

Juan 16:30

Karon nasayod na kami nga ikaw nahibalo sa tanang mga butang ug nga ikaw dili na kinahanglan nga pangutan-on pa ni bisan kinsa. Tungod niini kami nagtuo nga ikaw gikan sa Dios.”

Mga Taga-Efeso 2:18

tungod kay pinaagi kaniya kita nakaduol na ngadto sa Amahan pinaagi sa usa ra ka Espiritu.

1 Juan 2:1

Akong mga anak, nagsulat ako kaninyo niining mga butanga aron kamo dili magpakasala. Apan kon may makasala man gayod, kita adunay Manlalaban nga mangatubang sa Amahan, si Jesu-Cristo, ang matarong.