Juan 16:2

Ang Biblia 2011

Hinginlan kamo nila gikan sa mga sinagoga. Sa pagkatinuod, ang panahon moabot nga ang mopatay kaninyo maghunahuna nga siya naghalad ug pagsimba sa Dios.

Cross References

Isaias 65:5

nga nag-ingon, “Paglain sa imong kaugalingon, ayaw pagduol kanako, kay ako gilain gikan kanimo.” Kini aso sa akong ilong, kalayo nga nagdilaab sa tibuok nga adlaw.

Isaias 66:5

Pamatia ang pulong sa Ginoo, kamo nga nagkurog tungod sa iyang pulong: “Ang inyong kaigsoonan nga nagdumot kaninyo, ug nagsalikway kaninyo tungod sa akong ngalan nag-ingon, ‘Ipahimaya ang Ginoo, aron makita namo ang inyong kalipay’; apan sila mao ang pakaulawan.

Daniel 11:33

Ug ang uban sa katawhan nga maalamon makapasabot sa daghan bisan ug sila mangapukan pinaagi sa espada ug sa siga sa kalayo, sa pagkabihag ug pagtulis sa pipila ka adlaw.

Mateo 10:28

Ayaw ninyo kahadloki kadtong mopatay sa lawas apan dili makahimo pagpatay sa kalag apan kahadloki hinuon ninyo ang makahimo paglaglag sa kalag ug lawas didto sa imperno.

Mateo 24:9

“Unya itugyan nila kamo ngadto sa kalisdanan ug ipapatay kamo ug dumtan sa tanang kanasoran tungod sa akong ngalan.

Lucas 6:22

“Bulahan kamo sa dihang dumtan kamo sa mga tawo, ug sa dihang isalikway kamo nila ug bugalbugalan, ug isalikway ang inyong ngalan ingon nga daotan tungod sa Anak sa Tawo!

Juan 12:42

Bisan pa niini, daghan sa mga namunoan ang mituo kaniya, apan tungod sa mga Pariseo wala kini nila ipadayag kay tingali unya ug palagpoton sila gikan sa sinagoga,

Juan 16:25

“Kining mga butanga gisulti nako kaninyo pinaagi sa mga sambingay apan moabot ang panahon nga ako dili na magsulti kaninyo pinaagi sa mga sambingay kondili magsugilon kaninyo sa dayag gayod mahitungod sa Amahan.

Juan 16:32

Tan-awa, moabot ang takna ug karon ania na, nga kamo patibulaagon, ang matag usa kaninyo ngadto sa iyang kaugalingong pinuy-anan ug biyaan ninyo ako nga mag-inusara. Apan dili ako mag-inusara kay ang Amahan ania man uban kanako.

Juan 4:21

Ug si Jesus miingon kaniya, “Babaye, tuohi ako nga taliabot na ang takna nga dili na niining bukira o sa Jerusalem nga kamo magsimba sa Amahan.

Juan 4:23

Apan ang takna taliabot, ug karon mao na, nga ang tinuod nga mga magsisimba magsimba sa Amahan diha sa espiritu ug sa kamatuoran, kay kini sila mao ang gipangita sa Amahan nga magsimba kaniya.

Juan 9:22

Giingon niini pagsulti sa iyang mga ginikanan tungod kay sila nahadlok sa mga Judio, kay ang mga Judio nagkasabot na man nga kon adunay moingon nga si Jesus mao ang Cristo, ang maong tawo palagpoton gikan sa sinagoga.

Juan 9:34

Mitubag sila kaniya nga nag-ingon, “Sa tumang kasal-anan ikaw natawo ug unya mangahas ikaw sa pagtudlo kanamo?” Ug gihinginlan nila siya.

Mga Buhat 5:33

Sa pagkadungog nila niini, sila nangasuko ug buot nga mopatay kanila.

Mga Buhat 7:56

Ug siya miingon, “Tan-awa, nakita nako ang mga langit nga naabli ug ang Anak sa Tawo nga nagtindog sa tuo sa Dios.”

1 Mga Taga-Corinto 4:13

sa dihang pakaulawan, kami makig-ayo; kami giisip nga daw basura sa kalibotan, sinalikway gikan sa tanan, bisan hangtod karon.

Mga Taga-Filipos 3:6

Mahitungod sa pagkamainiton, maglulutos sa iglesia, mahitungod sa pagkamatarong nga pinasikad sa Balaod, dili masaway.

Gipadayag 6:9

Ug sa pagbukas niya sa ikalimang silyo, akong nakita nga sa ilalom sa halaran diha ang mga kalag sa mga gipamatay tungod sa pulong sa Dios ug tungod sa pagpamatuod nga ilang gihimo.

Mga Maghuhukom 6:30

Unya ang mga tawo sa lungsod miingon kang Joas, “Dad-a ngari ang imong anak aron siya mamatay, tungod kay gitumpag niya ang halaran ni Baal ug giputol niya ang Asera nga tupad niini.”