Juan 15:7

Ang Biblia 2011

Kon kamo magpabilin kanako ug ang akong mga pulong magpabilin kaninyo, pangayo kamo ug bisan unsa nga buot ninyo, ug himoon kini alang kaninyo.

Cross References

1 Mga Hari 3:5

Didto sa Gibeon, ang Ginoo nagpakita kang Solomon pinaagi sa usa ka damgo sa pagkagabii ug ang Dios miingon, “Pangayoa unsay akong ihatag kanimo.”

Job 22:26

maglipay ikaw sa imong kaugalingon diha sa Labing Gamhanan, ug iyahat nimo ang imong nawong ngadto sa Dios.

Job 23:12

Wala ako mobiya gikan sa sugo sa iyang mga ngabil; akong gimahal sulod sa akong dughan ang mga pulong sa iyang baba.

Salmo 119:11

Gitipigan nako ang imong pulong sulod sa akong kasingkasing, aron dili ako makasala batok kanimo.

Salmo 37:4

Paglipay diha sa Ginoo, ug siya maghatag kanimo sa mga tinguha sa imong kasingkasing.

Mga Panultihon 10:24

Ang gikahadlokan sa daotan modangat kaniya, apan ang tinguha sa matarong itugot kaniya.

Mga Panultihon 4:4

iya akong gitudloan ug giingnan, “Patipigi sa imong kasingkasing ang akong mga pulong; tumana ang akong mga sugo ug ikaw mabuhi;

Isaias 58:8

Unya ang imong kahayag mosidlak sama sa kabuntagon, ug ang imong kaayohan modangat pagdali; ang imong pagkamatarong mag-una kanimo; ang himaya sa Ginoo maoy magbantay sa imong likod.

Jeremias 15:16

Ang imong mga pulong nakaplagan, ug gikaon nako kini, ug ang imong mga pulong nahimong kalipay alang kanako ug kahimuot sa akong kasingkasing; kay ako gitawag pinaagi sa imong ngalan, O Ginoo, Dios sa mga panon.

Mateo 7:7

“Pangayo ug kamo hatagan, pangita ug kamo makakaplag, panuktok, ug ang pultahan ablihan alang kaninyo.

Juan 14:13

Ug bisan unsay inyong pangayoon pinaagi sa akong ngalan, buhaton nako kini aron ang Amahan mapasidunggan diha sa Anak.

Juan 15:16

Kamo wala magpili kanako apan ako ang nagpili kaninyo ug nagtahas kaninyo aron manglakaw kamo ug mamunga ug bunga nga molungtad, aron nga ang bisan unsa nga inyong pangayoon gikan sa Amahan pinaagi sa akong ngalan, ihatag kaninyo.

Juan 16:23

Ug niana unyang adlawa wala na kamoy ipangutana pa kanako. Sa pagkatinuod gayod, sultihan ko kamo, nga kon mangayo kamo ug bisan unsa gikan sa Amahan pinaagi sa akong ngalan, siya mohatag niini kaninyo.

Juan 8:31

Unya si Jesus miingon sa mga Judio nga nagtuo kaniya, “Kon kamo magpabilin sa akong pulong, kamo tinuod gayod nga akong mga tinun-an,

Juan 8:37

Nasayod ako nga kamo mga kaliwat ni Abraham apan nagtinguha kamo sa pagpatay kanako tungod kay ang akong pulong wala man makakaplag ug luna diha kaninyo.

Mga Taga-Galacia 4:2

Hinuon ilalom siya sa mga piniyalan ug sa mga tigdumala sa balay hangtod sa panahon nga gitakda sa amahan.

Mga Taga-Galacia 5:16

Apan ako mag-ingon, pagkinabuhi kamo diha sa Espiritu ug ayaw ninyo tumana ang mga tinguha sa unod.

Deuteronomio 6:6

Ug kining mga pulonga nga gisugo nako kaninyo niining adlawa maanaa sa inyong kasingkasing.

Mga Taga-Colosas 3:16

Ang pulong ni Cristo papuy-a nga madagayaon gayod diha kaninyo, magtudlo ug magtambag kamo sa usa ug usa pinaagi sa tanang kaalam, ug mag-awit kamo ug mga salmo ug mga alawiton ug mga awit nga espirituhanon uban ang pagkamapasalamaton diha sa inyong mga kasingkasing ngadto sa Dios.

1 Juan 2:14

Gisulatan ko kamo, mga amahan, kay kamo nakaila man kaniya nga diha na sukad pa sa sinugdan. Gisulatan ko kamo, mga batan-on, kay kamo kusgan man, ug ang pulong sa Dios nagpabilin diha kaninyo, ug inyo nang nabuntog ang daotan.

1 Juan 2:27

hinuon ang pagdihog nga inyong nadawat gikan kaniya nagpabilin diha kaninyo ug kamo wala magkinahanglan nga aduna pay magtudlo kaninyo, ug ingon nga ang iyang pagdihog kaninyo nagtudlo man kaninyo mahitungod sa tanang butang, ug matuod kini ug dili bakak, sumala sa gitudlo niya kaninyo, pabilin kamo diha kaniya.

1 Juan 3:22

ug gikan kaniya makadawat kita sa bisan unsa nga atong pangayoon kay kita nagtuman man sa iyang mga sugo ug nagbuhat sa makapahimuot kaniya.

1 Juan 5:14

Ug ang atong nabatonang pagsalig kaniya mao kini, nga kon mangayo kita ug bisan unsa sumala sa iyang kabubut-on, siya mamati gayod kanato.