Juan 15:5

Ang Biblia 2011

Ako mao ang punoan sa paras, kamo mao ang mga sanga. Ang magpabilin kanako ug ako diha kaniya, siya mamunga ug daghan, kay kon kamo bulag kanako wala gayod kamoy mahimo.

Cross References

Mga Panultihon 11:30

Ang bunga sa matarong maoy usa ka kahoy sa kinabuhi, ug ang maalamon makadani ug mga tawo.

Oseas 4:8

Nagkaon sila diha sa sala sa akong katawhan; sila hangol sa ilang kasal-anan.

Mateo 13:21

Apan siya mismo walay gamot ug molahutay lamang sa makadiyot, ug sa dihang moabot ang kasakitan o pagpanglutos tungod sa pulong, matumba dayon siya.

Juan 12:24

Sa pagkatinuod gayod, sultihan ko kamo, nga ang usa ka lugas nga trigo kinahanglang mahulog sa yuta ug mamatay, kay kon dili, magpabilin kini nga mag-inusara. Apan kon kini mamatay, mamunga kini ug daghan.

Juan 15:16

Kamo wala magpili kanako apan ako ang nagpili kaninyo ug nagtahas kaninyo aron manglakaw kamo ug mamunga ug bunga nga molungtad, aron nga ang bisan unsa nga inyong pangayoon gikan sa Amahan pinaagi sa akong ngalan, ihatag kaninyo.

Juan 5:19

Si Jesus miingon kanila, “Sa pagkatinuod gayod, sultihan ko kamo nga ang Anak dili makahimo pagbuhat ug bisan unsa pinaagi sa iyang kaugalingon, gawas lamang sa iyang makita nga gibuhat sa Amahan. Kay bisan unsay gibuhat sa Amahan, gibuhat usab kana sa Anak.

Juan 9:33

Kon kadtong tawhana dili pa gikan sa Dios, wala unta siyay mahimo.”

Mga Buhat 4:12

Ug walay kaluwasan diha kang bisan kinsa pa kay walay laing ngalan ubos sa langit nga gihatag ngadto sa mga tawo, nga pinaagi niini kita kinahanglang maluwas.”

Roma 12:5

mao usab kita, bisan daghan, usa ra kita ka lawas diha kang Cristo, ug ang matag usa kanato kabahin sa usa ug usa.

Roma 6:22

Apan karon nga gipalingkawas na kamo gikan sa sala ug nahimo nang mga ulipon sa Dios, ang bunga nga inyong nakuha mao ang pagkabalaan ug ang sangpotan niini mao ang kinabuhing dayon.

Roma 7:4

Sa ingon usab niana, mga igsoon, kamo nangamatay na ngadto sa Balaod pinaagi sa lawas ni Cristo, aron maangkon kamo sa lain, ngadto kaniya nga nabanhaw gikan sa mga patay aron mamunga kita alang sa Dios.

1 Mga Taga-Corinto 10:16

Ang kupa sa pasalamat nga atong gipasalamatan, dili ba kini pagpakig-ambit sa dugo ni Cristo? Ang pan nga atong gipikaspikas, dili ba kini pagpakig-ambit man sa lawas ni Cristo?

1 Mga Taga-Corinto 12:12

Kay sama nga ang lawas usa ra ug adunay daghang mga bahin, ug ang tanang mga bahin sa lawas bisan daghan usa ra ka lawas, ingon usab niana diha kang Cristo.

1 Mga Taga-Corinto 12:27

Kamo ang lawas ni Cristo ug ang matag usa kaninyo bahin niini.

2 Mga Taga-Corinto 13:8

Kay kami walay mahimo batok sa kamatuoran, kondili ang pagdapig lamang sa kamatuoran.

2 Mga Taga-Corinto 9:10

Siya nga naghatag sa binhi ngadto sa magpupugas ug sa pan aron kaonon maghatag kaninyo ug binhi ug magpadaghan niini ug magpadaghan sa mga bunga sa inyong pagkamatarong.

Mga Taga-Galacia 5:22

Apan ang bunga sa Espiritu mao ang gugma, kalipay, kalinaw, pailob, pagkamaluluy-on, pagkamaayo, pagkamatinumanon,

Mga Taga-Efeso 5:9

kay ang bunga sa kahayag makita diha sa tanang maayo ug matarong ug matuod,

Mga Taga-Filipos 1:11

puno sa mga bunga sa pagkamatarong pinaagi kang Jesu-Cristo, alang sa himaya ug pagdayeg sa Dios.

Mga Taga-Filipos 4:13

Mahimo nako ang tanang butang diha kaniya nga naglig-on kanako.

Mga Taga-Filipos 4:17

Dili nga nagtinguha ako sa gasa kondili nagtinguha sa bunga nga nadugang sa inyong kaayohan.

Mga Taga-Colosas 1:10

aron kamo magkinabuhi nga takos sa Ginoo, hingpit nga kahimut-an niya, magmabungahon sa tanang mga maayong buhat ug magtubo sa kahibalo mahitungod sa Dios.

Mga Taga-Colosas 1:6

nga miabot kaninyo. Ingon nga kini namunga gayod ug nagmalamboon sa tibuok kalibotan mao usab diha kaninyo, sukad pa niadtong adlaw nga nakadungog ug nakasabot kamo sa grasya sa Dios diha sa kamatuoran,

Santiago 1:17

Ang tanang maayong paghatag ug ang tanang hingpit nga gasa gikan sa kahitas-an, gikan sa Amahan sa mga kahayag, kinsa walay pagkausab o anino sa pagkabalhin.

1 Pedro 2:4

Duol kamo kaniya, ang buhi nga bato, nga sinalikway sa mga tawo apan pinili sa Dios ug bililhon.

2 Pedro 3:18

Apan kinahanglan nga motubo kamo diha sa grasya ug sa kahibalo sa atong Ginoo ug Manluluwas nga si Jesu-Cristo. Kaniya ang himaya karon ug hangtod sa kahangtoran. Amen.