Juan 15:25

Ang Biblia 2011

Kini aron matuman ang pulong nga nasulat sa ilang balaod, ‘Nagdumot sila kanako sa walay hinungdan.’

Cross References

Salmo 109:3

Gilibotan nila ako sa mga pulong sa pagdumot, ug mihasmag sila kanako sa walay hinungdan.

Salmo 35:19

Ayaw itugot nga sila nga akong mga kaaway mangalipay batok kanako diha sa bakak, ug ayaw itugot nga sila nga nagdumot kanako sa walay hinungdan magkidhat sa ilang mata.

Salmo 69:4

Daghan pa kay sa buhok sa akong ulo ang mga nagdumot kanako sa walay hinungdan; gamhanan kadtong buot molaglag kanako, kadtong miasdang kanako pinaagi sa mga bakak. Kinahanglan ba nakong iuli ang wala nako kawata?

Salmo 7:4

kon ako nagbalos ug daotan kaniya nga anaa sa pakigdait uban kanako, o giilogan nako ang akong kaaway bisan walay hinungdan,

Mateo 10:8

Ayoha ninyo ang mga masakiton, banhawa ang mga patay, hinloi ang mga sanlahon, pagulaa ang mga demonyo. Nakadawat kamo nga walay bayad, panghatag nga walay bayad.

Lucas 24:44

Unya miingon siya kanila, “Kini mao ang akong mga pulong nga gisulti nako kaninyo sa kauban pa ako ninyo, nga ang tanang nasulat mahitungod kanako diha sa Balaod ni Moises ug sa mga Propeta ug sa mga Salmo kinahanglan gayod nga matuman.”

Juan 10:34

Mitubag si Jesus kanila, “Dili ba nasulat man kini sa inyong Balaod, ‘Ako nag-ingon, Mga dios kamo’?

Juan 13:18

Wala ako magsulti mahitungod kaninyong tanan. Ako nakaila kanila nga akong gipili. Apan kinahanglang matuman ang kasulatan nga nag-ingon, ‘Siya nga nagkaon sa akong pan nag-isa sa iyang tiil batok kanako.’

Juan 19:36

Kay kining mga butanga nahitabo aron matuman ang kasulatan nga nag-ingon, “Walay bukog niya nga mabali.”

Roma 3:19

Karon nahibalo kita nga bisan unsay gisulti sa Balaod, kini gisulti ngadto kanila nga nailalom sa Balaod aron ang matag baba matak-om ug aron ang tibuok kalibotan mailalom sa paghukom sa Dios.

Roma 3:24

Sila gihimong matarong sa iyang grasya ingon nga gasa pinaagi sa pagtubos diha kang Cristo Jesus,

2 Mga Taga-Corinto 11:7

Nakasala ba ako sa akong pagpaubos sa akong kaugalingon aron kamo matuboy, tungod kay giwali nako nga walay bayad diha kaninyo ang Maayong Balita sa Dios sa walay pagpagasto kaninyo?

Mga Taga-Galacia 2:21

Wala nako isalikway ang grasya sa Dios; kay kon ang pagkamatarong pinaagi pa sa Balaod, si Cristo namatay lamang nga walay hinungdan.

2 Mga Taga-Tesalonica 3:8

Kami wala magkaon sa pagkaon ni bisan kinsa nga walay bayad, hinuon, naghago ug nagbudlay sa gabii ug sa adlaw aron kami dili mahimong palas-anon ni bisan kinsa kaninyo.

Gipadayag 21:6

Ug siya miingon kanako, “Natapos na! Ako mao ang Alfa ug ang Omega, ang sinugdan ug ang kataposan. Kaniya nga giuhaw ihatag nako nga walay bayad ang tubig gikan sa tuboran sa tubig sa kinabuhi.

Gipadayag 22:17

Ang Espiritu ug ang Pangasaw-onon nag-ingon, “Dali ngari.” Ug siya nga namati paingna, “Dali ngari.” Ug ang giuhaw paaria, ang may tinguha paimna nga walay bayad sa tubig sa kinabuhi.