Juan 15:24

Ang Biblia 2011

Kon wala pa nako buhata taliwala kanila ang mga buhat nga wala mabuhat sa uban, wala unta silay sala. Apan karon sila nakakita ug nagdumot na kanako ug sa akong Amahan.

Cross References

Salmo 81:15

Ang mga nagdumot sa Ginoo moyukbo ngadto kaniya, apan ang ilang dangatan magpadayon hangtod sa kahangtoran.

Exodo 20:5

Ayaw kamo pagyukbo kanila o pag-alagad kanila, kay ako, ang Ginoo nga inyong Dios, abubhoan nga Dios, nga nagsilot sa mga sala sa mga ginikanan diha sa mga anak ngadto sa ikatulo ug sa ikaupat nga kaliwatan niadtong mga nagdumot kanako.

Mga Panultihon 8:36

apan siya nga mapakyas sa pagkaplag kanako nagdaot sa iyang kaugalingon; ang tanan nga nagdumot kanako nahigugma sa kamatayon.”

Mateo 11:5

ang mga buta makakita na ug ang mga bakol makalakaw na ug ang mga sanlahon nahinloan ug ang mga bungol makabati na ug ang mga patay gipamanhaw ug ang mga kabos giwalihan sa Maayong Balita.

Mateo 21:32

Kay si Juan mianhi kaninyo ug nagtultol sa dalan sa pagkamatarong ug wala kamo motuo kaniya apan ang mga tigpaningil ug buhis ug ang mga babayeng nagbaligya sa dungog mituo kaniya. Ug bisan sa pagkakita ninyo niini, wala gihapon kamo maghinulsol sa kaulahian ug wala motuo kaniya.

Mateo 9:33

Ug sa napagula na ang demonyo, ang amang misulti ug ang mga panon sa katawhan nahibulong nga nag-ingon, “Wala pa gayoy nakita nga sama niini dinhi sa Israel.”

Marcos 2:12

Ug siya mibangon, ug dihadiha gisakwat niya ang iyang higdaanan ug mipahawa siya sa atubangan nilang tanan paingon sa gawas, nga tungod niini silang tanan nahibulong ug nagdayeg sa Dios, ug nag-ingon, “Wala pa kitay nakita nga sama niini!”

Lucas 24:19

Ug siya miingon kanila, “Unsa bang mga butanga?” Ug sila miingon kaniya, “Mahitungod kang Jesus nga Nazaretnon, nga usa ka propeta nga gamhanan sa buhat ug sa pulong sa atubangan sa Dios ug sa tanang mga tawo,

Juan 10:32

Si Jesus mitubag kanila, “Gipakitaan kamo nako ug daghang mga maayong buhat gikan sa Amahan. Unsa ba niining mga buhata ang hinungdan nga inyo akong batoon?”

Juan 10:37

Kon ako wala magbuhat sa buluhaton sa akong Amahan, ayaw kamo pagtuo kanako;

Juan 12:10

Busa ang mga pangulong pari nagsabot sa pagpatay usab kang Lazaro

Juan 12:45

Ug siya nga nakakita kanako nakakita kaniya nga nagpadala kanako.

Juan 14:9

Si Jesus mitubag kaniya, “Kadugay na nakong nakig-uban kaninyo ug wala ikaw makaila kanako, Felipe? Ang nakakita kanako nakakita sa Amahan. Nganong nag-ingon man ikaw, ‘Ipakita kanamo ang Amahan?’

Juan 15:21

Apan kining tanan ilang buhaton kaninyo tungod sa akong ngalan kay sila wala man makaila kaniya nga nagpadala kanako.

Juan 15:22

Kon wala pa ako moanhi ug mosulti kanila, wala unta silay sala. Apan karon wala na silay ikapangulipas mahitungod sa ilang sala.

Juan 15:23

Ang nagdumot kanako, nagdumot usab sa akong Amahan.

Juan 16:9

mahitungod sa sala, kay sila wala man motuo kanako,

Juan 3:2

Kini siya miadto kang Jesus sa gabii ug miingon kaniya, “Rabi, nasayod kami nga ikaw usa ka magtutudlo nga gikan sa Dios, kay wala gayoy makahimo niining mga milagro nga imong gihimo gawas lamang kon ang Dios anaa uban kaniya.”

Juan 5:36

Apan ako adunay pagpamatuod nga dako pa kay sa gihimo ni Juan kay ang buluhaton nga gipiyal kanako sa Amahan aron akong taposon, kining maong buluhaton nga akong gihimo, nagpamatuod mahitungod kanako nga ang Amahan nagpadala kanako.

Juan 6:36

Apan giingnan ko kamo nga kamo nakakita na kanako apan wala kamo motuo.

Juan 7:31

Apan daghan sa mga tawo ang mituo kaniya ug miingon, “Kon moabot na ang Cristo, himoon ba kaha niya ang labaw pa ka daghang milagro kay sa nahimo niining tawhana?”

Juan 9:32

Sukad sa sinugdan sa kalibotan, wala pa gayod madungog nga dihay nakapabuka sa mga mata sa usa ka tawong nahimugso nga buta.

Juan 9:41

Si Jesus miingon kanila, “Kon buta pa kamo, dili unta kamo sad-an; apan kay nag-ingon man kamo karon, ‘Makakita kami,’ nagpabilin ang inyong sala.

Mga Buhat 10:38

giunsa sa Dios pagdihog pinaagi sa Espiritu Santo ug sa gahom, giunsa niya paglibot aron sa pagbuhat ug maayo ug sa pagpang-ayo sa tanang gisakit sa yawa, kay ang Dios nag-uban kaniya.

Mga Buhat 2:22

“Mga tawo sa Israel, pamatia ninyo kining mga pulonga: si Jesus nga Nazaretnon, tawo nga gipamatud-an kaninyo sa Dios pinaagi sa gamhanang mga buhat ug mga kahibulongan ug mga ilhanan nga gihimo sa Dios pinaagi kaniya diha kaninyo, sumala sa inyo gayod nga nahibaloan.

Roma 1:30

madumtanon sila sa Dios, mayubiton, mapahitas-on, tigpanghambog, tigmugna ug daotan, masupilon sa mga ginikanan,

Deuteronomio 5:9

Ayaw kamo pagyukbo kanila o pag-alagad kanila kay ako ang Ginoo nga inyong Dios abubhoan nga Dios, nga nagsilot sa mga anak tungod sa pagkadaotan sa mga ginikanan ngadto sa ikatulo ug sa ikaupat nga kaliwatan sa mga nagdumot kanako.

2 Timoteo 3:4

mabudhion, madalidalion, garboso, mahigugmaon sa kahilayan inay mahigugmaon sa Dios,

Santiago 4:4

Mga mananapaw! Wala ba kamo masayod nga ang pagpakighigala sa kalibotan pagpakigbatok sa Dios? Busa si bisan kinsa nga buot makighigala sa kalibotan naghimo sa iyang kaugalingon nga kaaway sa Dios.