Juan 15:20

Ang Biblia 2011

Hinumdomi ang pulong nga akong gisulti kaninyo, ‘Ang ulipon dili labaw sa iyang agalon.’ Kon sila naglutos kanako, sila maglutos usab kaninyo. Kon sila nagtuman sa akong pulong, sila motuman usab sa inyong pulong.

Cross References

Ezequiel 3:7

Apan ang panimalay sa Israel dili mamati kanimo kay sila dili mamati kanako, kay ang tibuok panimalay sa Israel gahi ug agtang ug tig-a ug kasingkasing.

Mateo 10:24

“Ang tinun-an dili labaw sa iyang magtutudlo o ang ulipon labaw sa iyang agalon.

Marcos 10:39

Sila mitubag kaniya, “Makahimo kami.” Ug si Jesus miingon kanila, “Sa kupa nga akong giimnan moinom kamo, ug sa bautismo nga gibautismo kanako bautismohan kamo,

Lucas 2:34

Unya gipanalanginan sila ni Simeon ug siya miingon kang Maria nga inahan sa bata, “Tan-awa, kining bataa gigahin alang sa kapukanan ug sa pagbangon sa daghang mga tawo sa Israel, ug ingon nga ilhanan nga supakon—

Lucas 6:40

Ang tinun-an dili labaw sa iyang magtutudlo, apan ang matag usa nga matudloan sa hingpit mahisama sa iyang magtutudlo.

Juan 10:31

Unya ang mga Judio namunit pag-usab ug mga bato aron batoon nila siya.

Juan 11:57

Unya ang mga pangulong pari ug ang mga Pariseo naghatag ug sugo nga kon adunay masayod hain si Jesus, kinahanglang pahibaloon sila aron dakpon nila siya.

Juan 13:16

Sa pagkatinuod gayod, sultihan ko kamo, ang ulipon dili labaw sa iyang agalon o ang sinugo labaw sa nagsugo kaniya.

Juan 5:16

Ug mao kini ang hinungdan ngano nga si Jesus gilutos sa mga Judio kay kini gibuhat man niya sa adlaw nga igpapahulay.

Juan 7:32

Unya ang mga Pariseo nakadungog sa panon sa katawhan nga nagsultihanay sa ingon mahitungod kaniya ug ang mga pangulong pari ug ang mga Pariseo nagpadala ug mga tawo aron sa pagdakop kaniya.

Juan 8:51

Sa pagkatinuod gayod, sultihan ko kamo nga si bisan kinsa nga magtuman sa akong pulong, siya dili gayod makakita sa kamatayon.”

Juan 8:52

Ug ang mga Judio miingon kaniya, “Karon nasuta na gayod namo nga ikaw gidemonyohan. Si Abraham namatay, ingon man ang mga propeta ug unya moingon ikaw, ‘Kon adunay magtuman sa akong pulong, siya dili gayod makatilaw ug kamatayon.’

Juan 8:59

Tungod niini namunit sila ug mga bato aron ilabay kaniya apan si Jesus mitago ug migula sa Templo.

Mga Buhat 14:22

nga naglig-on sa mga kalag sa mga tinun-an, nagdasig kanila sa pagpadayon diha sa pagtuo, ug nagsulti nga kinahanglang mosulod kita ngadto sa gingharian sa Dios latas sa daghang mga kasakit.

1 Mga Taga-Corinto 4:12

ug naghago, nagbuhat pinaagi sa among kaugalingong mga kamot. Sa dihang bugalbugalan, kami magpanalangin; sa dihang lutoson, kami moantos;

2 Mga Taga-Corinto 4:9

gilutos apan wala talikdi; nangatumba apan wala mangalaglag.

1 Mga Taga-Tesalonica 2:15

Sila mao ang mipatay sa Ginoong Jesus ug sa mga propeta, ug naghingilin kanamo, ug wala magpahimuot sa Dios ug nakigbatok sa tanang tawo

2 Timoteo 3:12

Sa pagkatinuod, ang tanan nga nagtinguha sa pagkinabuhi nga diosnon diha kang Cristo Jesus lutoson gayod.

1 Samuel 8:7

ug ang Ginoo miingon kang Samuel, “Pamatia ang tingog sa katawhan sa tanan nga ilang gisulti kanimo kay sila wala magsalikway kanimo, hinuon nagsalikway sila kanako sa akong paghari kanila.