Juan 15:11

Ang Biblia 2011

Kining mga butanga akong gisulti kaninyo aron ang akong kalipay magpabilin diha kaninyo ug ang inyong kalipay mahingpit.

Cross References

Isaias 53:11

siya makakita sa bunga sa kasakit sa iyang kalag ug matagbaw; pinaagi sa iyang kahibalo, ang matarong nga akong sulugoon, maghimo sa daghan nga isipong matarong ug pas-anon niya ang ilang kasal-anan.

Isaias 62:4

Dili na gayod ikaw tawgon nga Biniyaan, o ang imong yuta tawgon pa nga Kamingawan. Apan ikaw tawgon nga Ang Akong Kalipay Anaa Kaniya, ug ang imong yuta tawgon nga Minyo; kay ang Ginoo nahimuot kanimo, ug ang imong yuta maminyo.

Jeremias 32:41

Maglipay ako diha sa pagbuhat ug kaayohan kanila ug itanom nako sila niining yutaa diha sa pagkamatinumanon uban ang tibuok nakong kasingkasing ug ang tibuok nakong kalag.

Jeremias 33:9

Kining siyudara mahimo alang kanako nga usa ka ngalan sa kalipay, usa ka pagdayeg ug usa ka himaya sa atubangan sa tanang mga nasod sa yuta nga makadungog sa tanang kaayohan nga buhaton nako kanila. Sila mangahadlok ug mangurog tungod sa tanang kaayohan ug tanang kauswagan nga akong gihatag niini.

Sofonias 3:17

Ang Ginoo, ang imong Dios, anaa sa imong taliwala, usa ka manggugubat nga maghatag ug kadaogan; siya magmaya tungod kanimo uban ang kalipay, siya magbag-o kanimo diha sa iyang gugma; siya magmalipayon tungod kanimo uban ang pag-awit,

Lucas 15:23

Dad-a dinhi ang nating baka nga gipatambok ug ihawa kini ug mangaon kita ug magsadya.

Lucas 15:32

Angay gayod ang pagsadya ug paglipay kay kining imong igsoon namatay apan karon nabuhi pag-usab. Siya nawala apan karon nakit-an.’ ”

Lucas 15:5

Ug sa iya na kining makit-an, iya kining pas-anon nga malipayon diha sa iyang abaga.

Lucas 15:9

Ug sa makit-an na niya kini, iyang dapiton ang iyang mga higala ug mga silingan nga mag-ingon, ‘Paglipay kamo uban kanako, kay nakit-an na nako ang salaping plata nga nawala.’

Juan 16:24

Hangtod karon wala pa kamo mangayo pinaagi sa akong ngalan. Pangayo kamo ug makadawat kamo aron mahingpit ang inyong kalipay.

Juan 16:33

Gisulti nako kini kaninyo aron nga dinhi kanako makabaton kamo ug kalinaw. Dinhi sa kalibotan aduna kamoy kalisdanan. Apan pagmadasigon, gibuntog na nako ang kalibotan.”

Juan 17:13

Apan karon moanha na ako kanimo, ug kining mga butanga gisulti nako dinhi sa kalibotan aron makabaton sila sa akong kalipay nga nahingpit diha kanila.

Juan 3:29

Ang nakabaton sa pangasaw-onon mao ang pamanhonon. Ang higala sa pamanhonon nga nagtindog ug namati kaniya nalipay pag-ayo tungod sa tingog sa pamanhonon busa kining akong kalipay hingpit na karon.

Roma 15:13

Ang Dios sa paglaom magpuno unta kaninyo sa tumang kalipay ug kalinaw tungod sa inyong pagtuo, aron nga pinaagi sa gahom sa Espiritu Santo magmadagayaon kamo sa paglaom.

2 Mga Taga-Corinto 1:24

Dili ingon nga nagpaka-agalon kami kaninyo sa inyong pagtuo, hinuon, kami naghago uban kaninyo alang sa inyong kalipay, tungod kay kamo malig-ong nagbarog sa inyong pagtuo.

Mga Taga-Efeso 5:18

Ug ayaw kamo paghubog sa bino, kay kana maoy pagpatuyang; hinuon magpapuno kamo sa Espiritu.

Mga Taga-Filipos 1:25

Kay ako anaa niining pagsalig, ako nasayod nga ako magpabilin ug magpadayon pa uban kaninyong tanan, alang sa inyong kauswagan ug kalipay diha sa pagtuo,

1 Mga Taga-Tesalonica 5:16

Paglipay kamo sa kanunay,

1 Pedro 1:8

Bisan tuod ug kamo wala makakita kaniya, kamo nahigugma, ug bisan pa nga wala kamo makakita kaniya, kamo nagtuo ug nangalipay sa dili ikaasoy nga kalipay ug puno sa himaya.

1 Juan 1:4

Ug kini gisulat namo aron mahingpit ang among kalipay.

2 Juan 1:12

Bisan tuod ug daghan ako ug igsusulat kaninyo, dili na kini nako isulat pinaagi sa papel ug tinta apan gilaoman nako ang pag-anha diha sa pagpakigkita kaninyo ug sa pagpakigsulti kaninyo sa inatubangay aron mahingpit ang atong kalipay.