Juan 15:1

Ang Biblia 2011

“Ako mao ang matuod nga punoan sa paras ug ang akong Amahan mao ang tig-atiman.

Cross References

Awit sa mga Awit 7:12

mangadto kita ug sayo sa parasan, ug tan-awon nato kon namutot na ba ang paras, kon ang udlot sa paras mibuklad na ba ug ang mga granada namulak. Didto ihatag nako kanimo ang akong gugma.

Isaias 4:2

Nianang adlawa, ang sanga sa Ginoo mahimong matahom ug mahimayaon, ug ang bunga sa yuta mahimong garbo ug himaya sa mga nahibilin sa Israel.

Isaias 60:21

Ang imong katawhan mahimong matarong; sila makapanag-iya sa yuta hangtod sa kahangtoran, ang salingsing sa akong tinanom, ang buhat sa akong mga kamot, aron ako himayaon.

Isaias 61:3

sa paghatag ngadto sa nagsubo didto sa Zion— sa paghatag kanila ug purongpurong nga bulak inay abo, lana sa kalipay inay pagsubo, bisti sa pagdayeg inay luya nga espiritu; aron sila tawgon nga mga dagkong kahoy sa pagkamatarong, ang gitanom sa Ginoo, aron siya himayaon.

Jeremias 12:10

Daghan ang mga tigbantay sa karnero nga naglaglag sa akong kaparasan, ilang gitumban ang akong bahin, ang akong matahom nga bahin gihimo nila nga usa ka kamingawan.

Jeremias 2:21

Bisan pa niana gitanom ko ikaw nga usa ka piniling paras, tibuok gayod nga lunsayng binhi. Naunsa ba nga mikunhod man ikaw ug nahimong ihalas nga bagon?

Ezequiel 19:10

Ang imong inahan sama sa usa ka paras diha sa parasan, nga natanom sa daplin sa katubigan. magmabungahon ug puno sa mga sanga tungod sa daghang tubig.

Oseas 10:1

Ang Israel usa ka malamboon nga paras, nga naghatag sa iyang bunga. Sa nag-anam ug kadaghan ang iyang bunga nagkadaghan usab ang halaran nga iyang gihimo; sa nag-uswag ang yuta, gipauswag usab niya ang iyang mga haliging larawan.

Zacarias 3:8

Pamati karon, O Josue nga labawng pangulong pari, ikaw ug ang imong mga higala nga naglingkod sa imong atubangan, kay sila mga tawo nga adunay maayong tilimad-on: tan-awa, paanhion nako ang akong alagad nga mao ang Sanga.

Mateo 15:13

Siya mitubag nga nag-ingon, “Ang matag tanom nga wala itanom sa akong Amahan nga langitnon ibton.

Mateo 20:1

“Kay ang gingharian sa langit sama sa usa ka tawo nga pangulo sa panimalay nga milakaw sayo sa kabuntagon aron sa pagpangita ug mga mamumuo alang sa iyang parasan.

Mateo 21:33

“Paminawa ninyo ang lain pang sambingay. May usa ka tawong yutaan nga nagtanom ug parasan ug kini iyang gilibotan ug paril, gibuhatan ug pigsanan sa ubas ug usa ka lantawanan. Gipasaopan niya kini ug unya milangyaw siya ngadto sa laing dapit.

Marcos 12:1

Unya misugod siya sa pagsulti kanila pinaagi ug mga sambingay. “Dihay usa ka tawo nga nagtanom ug parasan ug gipalibotan niya kini ug paril, ug nagkalot siya alang sa pigsanan sa ubas, ug nagbuhat siya ug usa ka lantawan, ug iyang gipasaopan ngadto sa mga tawo, ug unya milangyaw siya ngadto sa laing dapit.

Lucas 13:6

Unya gisugilon niya kining usa ka sambingay: “Dihay usa ka tawo nga may kahoyng igera nga gitanom diha sa iyang parasan, ug siya miadto aron pagpangita ug bunga niini ug wala siyay nakaplagan.

Juan 1:17

Kay ang Balaod gihatag pinaagi kang Moises, apan ang grasya ug ang kamatuoran miabot pinaagi kang Jesu-Cristo.

Juan 1:9

Ang matuod nga kahayag nga nagdan-ag sa tanang tawo moanhi sa kalibotan.

Juan 15:2

Ang tanan nakong sanga nga wala mamunga, iyang pamutlon ug ang tanang sanga nga namunga, iyang pul-ongan aron kini mamunga ug daghan pa.

Juan 6:32

Unya si Jesus miingon kanila, “Sa pagkatinuod gayod, sultihan ko kamo nga si Moises dili mao ang naghatag kaninyo niadtong pan nga gikan sa langit; ang akong Amahan mao ang naghatag kaninyo sa tinuod nga pan nga gikan sa langit.

Juan 6:55

Kay ang akong unod tinuod nga pagkaon ug ang akong dugo tinuod nga imnonon.

Roma 11:17

Apan kon ang pipila sa mga sanga gipamali, ug ikaw, nga salingsing sa olibo nga ihalas, gisumpay lamang diha sa ilang dapit aron makaambit sa katambok sa kahoy nga olibo,

1 Mga Taga-Corinto 3:9

Kay kami mga kauban nga magbubuhat nga iya sa Dios, kamo ang uma sa Dios, ang balay sa Dios.

1 Juan 2:8

Apan bag-o usab kining sugoa nga akong gisulat kaninyo, nga tinuod diha kaniya ug kaninyo, kay ang kangitngit milabay na ug ang tinuod nga kahayag nagdan-ag na.