Juan 14:6

Ang Biblia 2011

Si Jesus mitubag kaniya, “Ako mao ang dalan ug ang kamatuoran ug ang kinabuhi, walay si bisan kinsa nga makaadto sa Amahan, kon dili pinaagi kanako.

Cross References

Mateo 11:27

Ang tanang mga butang gitugyan kanako sa akong Amahan ug walay nakaila sa hingpit kinsa ang Anak gawas sa Amahan ug walay nakaila sa hingpit kinsa ang Amahan gawas sa Anak ug kang bisan kinsa nga buot sa Anak nga padaygan sa Amahan.

Juan 1:14

Ug ang Pulong nahimong tawo ug mipuyo uban kanato ug atong nakita ang iyang himaya, ang himaya nga iyang nadawat gikan sa Amahan ingon nga bugtong Anak, puno sa grasya ug kamatuoran.

Juan 1:17

Kay ang Balaod gihatag pinaagi kang Moises, apan ang grasya ug ang kamatuoran miabot pinaagi kang Jesu-Cristo.

Juan 1:4

Diha kaniya ang kinabuhi, ug ang kinabuhi mao ang kahayag alang sa mga tawo.

Juan 10:28

Ako naghatag kanila ug kinabuhing dayon ug sila dili gayod malaglag, ug walay si bisan kinsa nga makaagaw kanila gikan sa akong kamot.

Juan 10:7

Busa si Jesus miingon pag-usab kanila, “Sa pagkatinuod gayod, sultihan ko kamo nga ako mao ang pultahan sa mga karnero.

Juan 10:9

Ako mao ang pultahan, kon adunay mosulod agi kanako, siya maluwas ug siya mosulod ug mogula ug makakaplag siya ug masibsib.

Juan 14:19

Mubo na lang ang panahon ug unya ang kalibotan dili na makakita kanako, apan kamo makakita kanako. Tungod kay ako buhi, kamo usab mabuhi.

Juan 15:1

“Ako mao ang matuod nga punoan sa paras ug ang akong Amahan mao ang tig-atiman.

Juan 18:37

Ug si Pilato miingon kaniya, “Busa ikaw hari diay?” Si Jesus mitubag kaniya, “Ikaw nagsulti nga ako hari. Ug alang niini ako natawo, ug alang niini ako mianhi sa kalibotan aron sa pagpadayag sa kamatuoran. Ang tanan nga iya sa kamatuoran namati sa akong tingog.”

Juan 5:21

Kay ingon nga ang Amahan nagbanhaw sa mga patay ug naghatag kanila ug kinabuhi, ang Anak usab naghatag ug kinabuhi kang bisan kinsa nga buot niyang hatagan.

Juan 6:33

Kay ang pan sa Dios mao kadtong nanaog gikan sa langit ug naghatag ug kinabuhi ngadto sa kalibotan.”

Juan 6:51

Ako mao ang buhing pan nga nanaog gikan sa langit. Si bisan kinsa nga mokaon niining maong pan, mabuhi sa dayon ug ang pan nga akong ihatag alang sa kinabuhi sa kalibotan mao ang akong unod.”

Juan 6:57

Ingon nga ang buhing Amahan nagpadala kanako ug ako buhi tungod sa Amahan, ang mokaon kanako mabuhi usab tungod kanako.

Juan 6:68

Si Simon Pedro mitubag kaniya, “Ginoo, kang kinsa man kami moadto? Anaa kanimo ang mga pulong sa kinabuhing dayon.

Juan 8:32

ug mahibaloan ninyo ang kamatuoran, ug ang kamatuoran maghimo kaninyo nga gawasnon.”

Juan 8:51

Sa pagkatinuod gayod, sultihan ko kamo nga si bisan kinsa nga magtuman sa akong pulong, siya dili gayod makakita sa kamatayon.”

Mga Buhat 3:15

ug inyong gipatay ang Tigmugna sa kinabuhi, ang gibanhaw sa Dios gikan sa mga patay, ug kami mga saksi niini.

Mga Buhat 4:12

Ug walay kaluwasan diha kang bisan kinsa pa kay walay laing ngalan ubos sa langit nga gihatag ngadto sa mga tawo, nga pinaagi niini kita kinahanglang maluwas.”

Mga Buhat 9:2

ug nangayo kaniya ug mga sulat ngadto sa mga sinagoga sa Damasco aron nga kon aduna siyay makita nga mga iya sa Dalan, mga lalaki o mga babaye, madala niya sila nga ginapos ngadto sa Jerusalem.

Roma 15:16

aron mahimo akong alagad ni Cristo Jesus ngadto sa mga Gentil diha sa pagpangalagad ingon nga pari sa Maayong Balita sa Dios aron ang halad sa mga Gentil dawaton ingon nga gibalaan sa Espiritu Santo.

Roma 5:2

Pinaagi kaniya nakabaton kita ug kaagian pinaagi sa pagtuo paingon niining maong grasya nga atong gibarogan ug kita nagmalipayon sa atong paglaom sa pag-ambit sa himaya sa Dios.

Roma 5:21

aron nga kon ang sala naghari pinaagi sa kamatayon, ang grasya usab maghari pinaagi sa katarong ngadto sa kinabuhing dayon pinaagi kang Jesu-Cristo nga atong Ginoo.

1 Mga Taga-Corinto 15:45

Ug ingon niini usab ang nasulat, “Ang unang tawo nga si Adan nahimong binuhat nga buhi”; apan ang naulahing Adan nahimong espiritu nga mohatag ug kinabuhi.

Mga Taga-Efeso 2:18

tungod kay pinaagi kaniya kita nakaduol na ngadto sa Amahan pinaagi sa usa ra ka Espiritu.

Mga Taga-Colosas 2:17

Kini mga anino lamang sa mga butang nga umaabot, apan ang katumanan iya ni Cristo.

Mga Taga-Colosas 2:9

Kay diha kaniya nagpuyo sa linawas ang tibuok gayod nga pagka-Dios,

Mga Taga-Colosas 3:4

Sa dihang ipadayag na unya si Cristo nga mao ang inyong kinabuhi, kamo usab ipadayag uban kaniya sa himaya.

Mga Hebreo 7:25

Busa sa tanang panahon siya makaluwas sa mga moduol sa Dios pinaagi kaniya, kay buhi man siya sa kanunay aron sa pagpangamuyo alang kanila.

Mga Hebreo 9:8

Pinaagi niini ang Espiritu Santo nagpasabot nga ang agianan ngadto sa Dapit nga Balaan dili pa binuksan samtang nagbarog pa gihapon ang una nga tolda,

1 Pedro 1:21

Pinaagi kaniya kamo nagsalig sa Dios nga nagbanhaw kaniya gikan sa mga patay ug mihatag kaniya ug himaya, aron nga ang inyong pagtuo ug paglaom maanaa sa Dios.

1 Pedro 2:4

Duol kamo kaniya, ang buhi nga bato, nga sinalikway sa mga tawo apan pinili sa Dios ug bililhon.

1 Pedro 3:18

Kay si Cristo usab namatay sa makausa tungod sa mga sala, ang matarong alang sa mga dili matarong, aron kamo iyang madala ngadto sa Dios, ingon nga gipatay siya diha sa lawas apan gibuhi diha sa espiritu.

1 Juan 1:8

Kon kita mag-ingon nga wala kitay sala, gilimbongan nato ang atong kaugalingon ug wala kanato ang kamatuoran.

1 Juan 2:23

Ang tanan nga nagsalikway sa Anak wala makabaton sa Amahan. Apan ang miangkon sa Anak, nakabaton usab sa Amahan.

1 Juan 5:20

Ug kita nasayod nga ang Anak sa Dios mianhi ug mihatag kanato ug salabotan aron kita makaila kaniya nga mao ang matuod ug kita anaa kaniya nga mao ang matuod, diha sa iyang Anak nga si Jesu-Cristo. Kini mao ang matuod nga Dios ug kinabuhi nga dayon.

1 Juan 5:6

Kini siya mao ang mianhi pinaagi sa tubig ug dugo si Jesu-Cristo, dili pinaagi sa tubig lamang, kondili pinaagi sa tubig ug sa dugo.

2 Juan 1:9

Ang tanan nga mag-una ug dili magpabilin diha sa pagtulun-an ni Cristo, wala makabaton sa Dios. Siya nga nagpabilin sa pagtulun-an ni Cristo, nakabaton sa Amahan ug sa Anak.

Gipadayag 1:5

ug gikan kang Jesu-Cristo, ang kasaligan nga saksi, ang panganay gikan sa mga nangamatay, ug ang pangulo sa mga hari sa yuta. Kaniya nga nahigugma kanato ug nagpahigawas kanato gikan sa atong mga sala pinaagi sa iyang dugo

Gipadayag 19:11

Unya nakita nako nga nabukas ang langit, ug dihay usa ka puti nga kabayo! Ang nagkabayo niini ginganlan ug Kasaligan ug Matuod ug pinaagi sa pagkamatarong siya naghukom ug nakiggubat.

Gipadayag 20:15

Ug si bisan kinsa nga wala makaplagi nga nasulat diha sa basahon sa kinabuhi, siya itambog ngadto sa linaw nga kalayo.

Gipadayag 22:1

Unya iyang gipakita kanako ang suba sa tubig sa kinabuhi nga tin-aw daw kristal, nagbuswak gikan sa Dios ug sa trono sa Nating Karnero,

Gipadayag 22:17

Ang Espiritu ug ang Pangasaw-onon nag-ingon, “Dali ngari.” Ug siya nga namati paingna, “Dali ngari.” Ug ang giuhaw paaria, ang may tinguha paimna nga walay bayad sa tubig sa kinabuhi.

Gipadayag 3:14

“Ug ngadto sa anghel sa iglesia sa Laodicea, isulat kini: ‘Mao kini ang mga pulong sa Amen, ang kasaligan ug tinuod nga saksi, ang sinugdanan sa mga binuhat sa Dios:

Gipadayag 3:7

“Ug ngadto sa anghel sa iglesia sa Filadelfia, isulat kini: ‘Mao kini ang mga pulong niadtong Balaan ug Matuod nga mao ang nagkupot sa yawi ni David, ang magbukas nga walay makatak-op, ang magtak-op nga walay makabukas.