Juan 14:31

Ang Biblia 2011

apan magbuhat ako sumala sa gisugo kanako sa Amahan, aron masayod ang kalibotan nga ako nahigugma sa Amahan. Panindog kamo, manglakaw na kita.

Cross References

Salmo 40:8

ako nalipay sa pagbuhat sa imong kabubut-on, O akong Dios; ang imong balaod ania sulod sa akong kasingkasing.”

Isaias 50:5

Ang Ginoong Dios nag-abli sa akong dalunggan, ug ako wala magmasupilon, wala motalikod.

Mateo 26:39

Ug sa nakalakaw siya sa unahan ug diyotay, siya mihapa ug nag-ampo, “Amahan ko, kon mahimo, isaylo kanako kining kupa apan dili sumala sa akong pagbuot kondili sa imo.”

Mateo 26:46

Bangon kamo ug manglakaw na kita. Tan-awa, ania na sa duol ang magbudhi kanako.”

Lucas 12:50

Aduna akoy bautismo nga ibautismo kanako ug dili ako mahimutang hangtod nga matuman kini!

Juan 10:18

Walay tawo nga magkuha niini gikan kanako, hinuon gitahan nako kini sa kaugalingon nakong pagbuot. May katungod ako sa pagtahan niini ug may katungod ako sa pagkuha niini pag-usab. Kining maong sugo nadawat nako gikan sa akong Amahan.”

Juan 12:27

“Karon naguol ang akong kalag. Ug unsa may akong isulti? Moingon ba ako, ‘Amahan, luwasa ako gikan niining taknaa’? Dili, kay alang niining maong tuyo miabot ako niining taknaa.

Juan 12:49

Kay ako wala magsulti nga kinaugalingon lamang apan ang Amahan nga nagpadala kanako mao ang naghatag kanako ug sugo kon unsa ang akong ipamulong ug unsa ang akong isulti.

Juan 13:1

Sa wala pa ang Kasaulogan sa Pagsaylo, si Jesus nahibalo nga miabot na ang takna sa iyang pagbiya niining kalibotana ug sa pag-adto ngadto sa Amahan. Ug kay nahigugma man siya sa mga iya nga ania sa kalibotan, sila iyang gihigugma hangtod sa kataposan.

Juan 15:9

Sama nga nahigugma kanako ang Amahan, ako usab nahigugma kaninyo busa pabilin kamo diha sa akong gugma.

Juan 18:11

Ug si Jesus miingon kang Pedro, “Iuli sa sakoban kanang imong espada. Dili ba diay nako imnon ang kupa nga gihatag kanako sa Amahan?”

Juan 4:34

Si Jesus miingon kanila, “Ang akong pagkaon mao ang pagbuhat sa kabubut-on sa nagpadala kanako ug ang pagtapos sa iyang buluhaton.

Mga Taga-Filipos 2:8

siya nagpaubos sa iyang kaugalingon ug nahimong masinugtanon hangtod sa kamatayon, bisan pa sa kamatayon diha sa krus.