Juan 14:22

Ang Biblia 2011

Si Judas (dili ang Iscariote) miingon kaniya, “Ginoo, ngano ba nga anhi man ikaw kanamo magpadayag sa imong kaugalingon, ug dili hinuon ngadto sa kalibotan?”

Cross References

Mateo 10:3

si Felipe ug si Bartolome, si Tomas ug si Mateo nga tigpaningil ug buhis, si Santiago nga anak ni Alfeo ug si Tadeo,

Marcos 3:18

si Andres, si Felipe, ug si Bartolome, ug si Mateo, ug si Tomas, ug si Santiago nga anak ni Alfeo, si Tadeo, si Simon nga Kananeyo,

Lucas 6:16

ug si Judas nga anak ni Santiago, ug si Judas Iscariote nga nahimong mabudhion.

Juan 3:4

Ug si Nicodemo nangutana kaniya, “Unsaon man pagpakatawo sa usa ka tawo nga tigulang na? Makasulod pa ba siya pag-usab sa tagoangkan sa iyang inahan ug mahimugso?”

Juan 3:9

Si Nicodemo mitubag ug miingon kaniya, “Unsaon man pagkahimo niini?”

Juan 4:11

Ang babaye miingon kaniya, “Ginoo, wala kay ikatimba, ug lalom ang atabay. Busa asa man nimo kuhaa ang buhi nga tubig?

Juan 6:52

Unya ang mga Judio naglalis tali sa ilang kaugalingon nga nag-ingon, “Unsaon man niining tawhana sa paghatag kanato sa iyang unod aron atong kaonon?”

Juan 6:60

Daghan sa iyang mga tinun-an nga nakadungog niini miingon, “Lisod kining sultiha. Kinsa may makapamati niini?”

Mga Buhat 1:13

Ug sa nakasulod na sila, misaka sila sa lawak sa taas diin didto sila magpuyo, sila si Pedro, si Juan, si Santiago ug si Andres, si Felipe, si Tomas, si Bartolome, si Mateo, si Santiago nga anak ni Alfeo, si Simon nga Zelote ug si Judas nga anak ni Santiago.

Judas 1:1

Si Judas, ulipon ni Jesu-Cristo ug igsoon ni Santiago, Nganha sa mga tinawag, mga hinigugma diha sa Dios nga Amahan ug mga binantayan alang kang Jesu-Cristo: