Juan 13:5

Ang Biblia 2011

Unya naghuwad siya ug tubig sa planggana ug misugod siya sa pagpanghugas sa mga tiil sa mga tinun-an ug sa pagpahid niini sa tualya nga iyang gibakos.

Cross References

Genesis 18:4

Magpakuha kita karon ug diyotay nga tubig ug manghugas kamo sa inyong mga tiil ug pahulay kamo sa landong sa kahoy

Genesis 19:2

Ug siya miingon, “Naghangyo ako kaninyo, akong mga agalon, mohapit una kamo sa balay sa inyong ulipon ug magpalabay sa kagabhion ug manghugas kamo sa inyong mga tiil ug sa pagkabuntag mamangon kamo ug sayo ug mopadayon sa inyong paglakaw.” Ug sila mitubag, “Dili, kay sa dalan lamang kami magpalabay sa kagabhion.”

Genesis 43:24

Sa dihang gipasulod niadtong tawhana ang mga tawo ngadto sa balay ni Jose ug sila gihatagan niya ug tubig ug nanghugas sa ilang mga tiil ug gihatagan ug makaon ang ilang mga asno,

2 Mga Hari 3:11

Apan si Jehosafat miingon, “Wala bay propeta sa Ginoo dinhi nga maoy atong pakisayran mahitungod sa Ginoo?” Ug ang usa sa mga sulugoon sa hari sa Israel mitubag, “Si Eliseo nga ang anak ni Safat ania dinhi, siya nga mibubo ug tubig sa mga kamot ni Elias.”

Salmo 51:2

Hugasi ako pag-ayo gikan sa akong kasal-anan, ug hinloi ako gikan sa akong sala!

Exodo 29:4

Dad-a si Aaron ug ang iyang mga anak nga lalaki ngadto sa pultahan sa tolda nga tagboanan ug hugasi sila sa tubig.

Isaias 1:16

Hugasi ang inyong kaugalingon; himoa ang inyong kaugalingon nga hinlo; kuhaa ang daotan sa inyong mga binuhatan gikan sa atubangan sa akong mga mata; hunonga ang pagbuhat ug daotan,

Ezequiel 36:25

Unya bisbisan ko kamo sa hinlo nga tubig, ug kamo mangahinlo gikan sa tanan ninyong kahugawan, ug gikan sa tanan ninyong diosdios hinloan ko kamo.

Levitico 14:8

Ug kadtong hinloan manglaba sa iyang mga bisti ug kiskison niya ang tanan niyang buhok ug maligo siya sa tubig ug mahinlo siya. Ug human niana mosulod siya sa kampo apan mopuyo siya sa gawas sa iyang tolda sulod sa pito ka adlaw.

Zacarias 13:1

“Nianang adlawa adunay usa ka tuboran nga buksan alang sa balay ni David ug sa mga nagpuyo sa Jerusalem, aron sa paghinlo kanila gikan sa sala ug sa pagkahugaw.

Lucas 7:38

Sa nagtindog siya nga naghilak luyo sa tiilan ni Jesus, misugod siya sa paghumod sa mga tiil ni Jesus pinaagi sa iyang mga luha ug gipahiran kini pinaagi sa buhok sa iyang ulo, ug mihalok sa iyang mga tiil, ug unya gidihogan kini ug pahumot.

Lucas 7:44

Sa pagliso niya atubang sa babaye, miingon siya kang Simon, “Nakita ba nimo kining babaye? Misulod ako sa imong balay, wala ako nimo hatagi ug tubig alang sa akong mga tiil, apan iyang gihumod ang akong mga tiil pinaagi sa iyang mga luha ug gipahiran niya kini sa iyang buhok.

Juan 13:10

Si Jesus miingon kaniya, “Siya nga naligo na dili kinahanglang manghugas gawas lamang sa iyang mga tiil, hinuon hinlo na ang iyang kinatibuk-an. Ug kamo hinlo na apan dili hinuon kamong tanan.”

Juan 13:6

Ug miduol siya kang Simon Pedro, ug si Pedro miingon kaniya, “Ginoo, hugasan ba nimo ang akong mga tiil?”

Juan 13:8

Si Pedro miingon kaniya, “Dili gayod ako magpahugas kanimo sa akong mga tiil bisan kanus-a.” Si Jesus mitubag kaniya, “Kon dili ikaw magpahugas kanako, wala kay bahin kanako.”

Juan 19:34

Apan usa sa mga sundalo miduslak ug bangkaw sa iyang kilid ug dihadiha mibuhagay ang dugo ug tubig.

Mga Buhat 22:16

Ug karon, nganong magpaabot pa man ikaw? Tindog ug pagpabautismo ug hugasi ang imong mga sala, magsangpit sa iyang ngalan.’

1 Mga Taga-Corinto 6:11

Ug kaniadto ang uban kaninyo ingon niini. Apan kamo gihinloan na, kamo gibalaan na, kamo gihimo nang matarong diha sa ngalan sa Ginoong Jesu-Cristo ug pinaagi sa Espiritu sa atong Dios.

Mga Taga-Efeso 5:26

aron iyang balaanon siya sa mahinloan na niya siya pinaagi sa paghugas kaniya ug tubig pinaagi sa pulong,

1 Timoteo 5:10

namatud-an nga maayo ug binuhatan, kon nagmatuto ug mga anak, nagpakita sa pagkamaabiabihon, nanghugas sa mga tiil sa mga balaan, nagtabang sa mga nagkalisodlisod, ug nagmakugihon sa pagbuhat ug maayo sa tanang paagi.

Mga Hebreo 10:22

busa manuol kita sa Dios uban ang matinud-anon nga kasingkasing uban sa hingpit nga kasigurohan sa pagtuo, human mahinlo ang atong mga kasingkasing pinaagi sa pagbisibis gikan sa daotan nga tanlag ug human mahugasi ang atong mga lawas sa lunsay nga tubig.

1 Juan 1:7

Apan kon kita naglakaw diha sa kahayag, ingon nga siya anaa sa kahayag, kita may pakig-ambitay sa usa ug usa, ug ang dugo ni Jesus nga iyang Anak naghinlo kanato gikan sa tanang sala.

1 Juan 5:6

Kini siya mao ang mianhi pinaagi sa tubig ug dugo si Jesu-Cristo, dili pinaagi sa tubig lamang, kondili pinaagi sa tubig ug sa dugo.

Gipadayag 1:5

ug gikan kang Jesu-Cristo, ang kasaligan nga saksi, ang panganay gikan sa mga nangamatay, ug ang pangulo sa mga hari sa yuta. Kaniya nga nahigugma kanato ug nagpahigawas kanato gikan sa atong mga sala pinaagi sa iyang dugo

Gipadayag 7:14

Ako miingon kaniya, “Akong Ginoo, nasayod ikaw.” Ug siya miingon kanako, “Mao kini sila ang mga nakalabang sa dagkong kasakitan, ang ilang mga tag-as nga bisti gilabhan nila ug gipaputi diha sa dugo sa Nating Karnero.

Mga Maghuhukom 19:21

Busa gidala niya ang tawo ngadto sa iyang balay, ug gihatagan ug pagkaon ang mga asno, ug nanghugas sila sa ilang mga tiil ug nangaon ug nanginom.

1 Samuel 25:41

Siya mitindog ug giyukbo ang iyang nawong ngadto sa yuta, ug miingon, “Ania karon, ang imong sulugoon nga babaye usa ka sulugoon aron manghugas sa mga tiil sa mga sulugoon sa akong agalon.”