Juan 13:22

Ang Biblia 2011

Ug ang mga tinun-an nagtinan-away sa usa ug usa nga naglibog kon kinsay iyang gipasabot niini.

Cross References

Genesis 42:1

Unya nahibaloan ni Jacob nga may trigo didto sa Ehipto ug miingon siya sa iyang mga anak, “Nganong nagtinan-away man kamo?”

Mateo 26:21

Ug samtang nangaon sila, siya miingon kanila, “Sa pagkatinuod, sultihan ko kamo, nga usa kaninyo magbudhi kanako.”

Mateo 26:22

Ug sa hilabihang kasubo, ang matag usa kanila misugod sa pag-ingon kaniya, “Ako ba, Ginoo?”

Marcos 14:18

Ug samtang nagkaon sila tambong sa lamisa, si Jesus miingon, “Sa pagkatinuod sultihan ko kamo, nga usa kaninyo magbudhi kanako, siya nga nakigsalo kanako.”

Marcos 14:19

Sila misugod sa pagkasubo ug nagtagsatagsa sa pagpangutana kaniya, “Ako ba?”

Lucas 22:21

Apan tan-awa, ang kamot sa magbudhi kanako ania uban kanako dinhi sa lamisa.

Lucas 22:23

Ug sila misugod sa pagpangutan-anay kon kinsa kanila ang magbuhat niining butanga.

Juan 13:18

Wala ako magsulti mahitungod kaninyong tanan. Ako nakaila kanila nga akong gipili. Apan kinahanglang matuman ang kasulatan nga nag-ingon, ‘Siya nga nagkaon sa akong pan nag-isa sa iyang tiil batok kanako.’

Juan 13:21

Unya sa nakasulti na si Jesus niini, nasubo siya diha sa espiritu ug nagpamatuod siya nga nag-ingon, “Sa pagkatinuod gayod, sultihan ko kamo nga usa kaninyo magbudhi kanako.”