Juan 12:49

Ang Biblia 2011

Kay ako wala magsulti nga kinaugalingon lamang apan ang Amahan nga nagpadala kanako mao ang naghatag kanako ug sugo kon unsa ang akong ipamulong ug unsa ang akong isulti.

Cross References

Juan 14:10

Wala ba diay ikaw motuo nga ako anaa sa Amahan ug nga ang Amahan ania kanako? Ang mga pulong nga akong gisulti kaninyo wala nako isulti gikan sa akong kaugalingon, kondili ang Amahan nga ania sulod kanako mao ang naghimo sa iyang mga buhat.

Juan 14:24

Ang wala mahigugma kanako dili magtuman sa akong mga pulong ug ang pulong nga inyong nadungog dili akoa kondili sa Amahan nga nagpadala kanako.

Juan 14:31

apan magbuhat ako sumala sa gisugo kanako sa Amahan, aron masayod ang kalibotan nga ako nahigugma sa Amahan. Panindog kamo, manglakaw na kita.

Juan 15:15

Dili na nako kamo tawgon nga mga ulipon, kay ang ulipon wala masayod sa gibuhat sa iyang agalon. Apan ako nagtawag kaninyo nga mga higala kay ang tanan nga nadungog nako gikan sa akong Amahan gipahibalo nako kaninyo.

Juan 17:8

kay gihatag man nako kanila ang mga pulong nga imong gihatag kanako, ug gidawat nila kini ug nahibalo sila diha sa kamatuoran nga ako gikan kanimo ug sila nagtuo nga ikaw ang nagpadala kanako.

Juan 3:11

Sa pagkatinuod gayod, sultihan ko ikaw nga kami nagsulti sa among nahibaloan ug nagpamatuod sa among nakita apan kamo wala modawat sa among pagpamatuod.

Juan 3:32

Siya nagpamatuod mahitungod sa iyang nakita ug nadungog, apan walay midawat sa iyang pagpamatuod.

Juan 5:19

Si Jesus miingon kanila, “Sa pagkatinuod gayod, sultihan ko kamo nga ang Anak dili makahimo pagbuhat ug bisan unsa pinaagi sa iyang kaugalingon, gawas lamang sa iyang makita nga gibuhat sa Amahan. Kay bisan unsay gibuhat sa Amahan, gibuhat usab kana sa Anak.

Juan 5:30

“Walay bisan unsa nga akong mahimo pinaagi sa akong kaugalingon; sumala sa akong nadungog ako maghukom. Ug ang akong hukom matarong kay wala ako magtinguha sa pagbuhat sa akong kaugalingong kabubut-on kondili sa kabubut-on sa nagpadala kanako.

Juan 6:68

Si Simon Pedro mitubag kaniya, “Ginoo, kang kinsa man kami moadto? Anaa kanimo ang mga pulong sa kinabuhing dayon.

Juan 7:16

Ug si Jesus mitubag kanila, “Ang akong gitudlo dili akoa, kondili iya sa nagpadala kanako.

Juan 8:26

Daghan ako ug isulti ug ihukom mahitungod kaninyo apan ang nagpadala kanako matuod ug ang akong nadungog gikan kaniya gipahayag nako ngadto sa kalibotan.”

Juan 8:28

Busa si Jesus miingon, “Sa diha nga maisa na ninyo ang Anak sa Tawo, inyong mahibaloan nga ako mao siya ug nga wala akoy gibuhat sa kaugalingon nakong pagbuot, apan unsay gitudlo kanako sa amahan, nagsulti ako niini.

Juan 8:42

Si Jesus mitubag kanila, “Kon ang Dios mao pa ang inyong Amahan, nahigugma unta kamo kanako kay ako gikan man sa Dios busa ania ako. Wala ako moanhi sa akong kaugalingong kabubut-on, kondili gipadala ako niya.

Deuteronomio 18:18

Magpatindog ako alang kanila ug usa ka propeta nga sama kanimo gikan sa taliwala sa ilang mga igsoon ug ibutang nako ang akong mga pulong sa iyang baba ug siya magsulti kanila sa tanan nga gisugo nako kaniya.

Gipadayag 1:1

Ang gipadayag ni Jesu-Cristo nga gihatag kaniya sa Dios aron ipadayag ngadto sa iyang mga sulugoon ang mga butang nga kinahanglang mahitabo sa dili madugay. Ug kini gipaila ni Jesus pinaagi sa pagpadala sa iyang anghel ngadto sa iyang ulipon nga si Juan,