Juan 12:46

Ang Biblia 2011

Ako mianhi sa kalibotan ingon nga kahayag aron ang tanan nga motuo kanako dili na magpabilin sa kangitngit.

Cross References

Salmo 36:9

Kay anaa kanimo ang tuboran sa kinabuhi; sa imong kahayag makakita kami ug kahayag.

Isaias 40:1

Lipaya ninyo, lipaya ninyo ang akong katawhan, nag-ingon ang inyong Dios.

Isaias 42:15

Akong lumpagon ang kabukiran ug ang kabungtoran, ug palayaon nako ang tanan nilang mga tanom, himoon nako nga mga pulo ang mga suba, ug pahubason nako ang mga linaw.

Isaias 42:7

aron sa pagpabuka sa mga mata nga buta, aron sa pagpagula sa mga binilanggo gikan sa bilanggoan, gikan sa bilanggoan niadtong naglingkod diha sa kangitngit.

Malaquias 4:2

Apan kaninyo nga may kahadlok sa akong ngalan, ang adlaw sa pagkamatarong mosubang nga nagdala ug kaayohan sa iyang mga pako. Kamo manggula nga magluksolukso sama sa mga nating baka sa toril.

Mateo 4:16

ang mga tawo nga nagpuyo taliwala sa kangitngit nakakita ug dakong kahayag, ug kanila nga nagpuyo sa yuta ug sa landong sa kamatayon midan-ag ang kahayag.”

Lucas 2:32

usa ka kahayag alang sa pagpadayag ngadto sa mga Gentil ug sa himaya alang sa imong katawhan, ang Israel.”

Juan 1:9

Ang matuod nga kahayag nga nagdan-ag sa tanang tawo moanhi sa kalibotan.

Juan 3:19

Ug ang hukom mao kini, nga ang kahayag mianhi sa kalibotan apan ang kangitngit maoy gihigugma sa mga tawo labaw kay sa kahayag kay daotan man ang ilang mga binuhatan.

Juan 8:12

Unya misulti pag-usab si Jesus kanila nga nag-ingon, “Ako mao ang kahayag sa kalibotan. Siya nga magsunod kanako dili gayod maglakaw sa kangitngit, hinuon makabaton siya sa kahayag sa kinabuhi.”

Juan 9:39

Unya si Jesus miingon, “Ako mianhi niining kalibotana aron sa paghukom, aron kadtong mga dili makakita, makakita na ug kadtong mga makakita mangabuta.”

Juan 9:5

Samtang ania ako sa kalibotan, ako mao ang kahayag alang sa kalibotan.”

Mga Buhat 26:18

sa pagpabuka sa ilang mga mata aron sila mobalhin gikan sa kangitngit ngadto sa kahayag ug gikan sa gahom ni Satanas ngadto sa Dios, aron makadawat sila ug kapasayloan sa ilang mga sala ug usa ka dapit uban sa mga gibalaan pinaagi sa pagtuo kanako.’

Mga Taga-Efeso 5:14

kay ang tanang nadayag kahayag. Busa kini giingon: “Pagmata, ikaw nga natulog, ug bangon gikan sa mga patay, ug dan-agan ikaw ni Cristo.”